यातायात समितिया सेयर व सम्पत्ति मालीगु

सरकारं संस्था दर्ता ऐन २०३४ कथं दर्ता जूगु यातायात सम्वद्ध संघसंस्थातय्गु नामय् दुगु ध्यबा, शेयर व सम्पत्ति मालेगु ज्यायात तीव्रता बिउगु दु । गृह मन्त्रालय् च्वंगु बैठकं यातायात सम्वद्ध संघसंस्थातय्गु चल, अचल, सेयर, सम्पत्तिया विवरण बाःछिया दुने तयार यानाः गृह मन्त्रालय व यातायात व्यवस्था विभाय् छ्वया हयेत देय्न्यंकंया प्रमुख जिल्ला अधिकारीयात गृह मन्त्रालयं निर्देशन बीगु निर्णय याःगु दु ।

बैठकय् गृहमन्त्री रामबहादुर थापा ‘बादल’, भौतिक पूर्वाधार तथा यातायात मन्त्री रघुवीर महासेठ, नेपाल राष्ट्र बैंकया गभर्नर डा. चिरिञ्जीवी नेपाल लगायतया उपस्थिति दुगु खः ।थ्व स्वयां न्ह्यः यातायात क्षेत्रया सिन्डीकेट चिइकेगु सरकारया निर्णयविरुद्ध आन्दोलनय् कुहां वःपिं यातायात व्यवसायीतय्सं वंगु बैशाख २१ गते सार्वजनिक यातायात चले मयायेवं सरकारं यातायात समितितय्गु बैंक खाता रोक्का यायेगु नापं समितिया पदाधिकारीतय्त ज्वनेगु शुरु याःगु खः ।

थ्व झ्वलय् गृह मन्त्रालयया निर्देशनकथं देय्न्यंकंया २४५ गू यातायात सम्वद्ध संस्थातय्गु बैंक खाता रोक्का याःगु खः ।
मन्त्रालयय् च्वंगु बैठकं बैक खाता रोक्का याःगु अज्याःगु समिति बाहेक संस्था दर्ता ऐनकथं दर्ता जूगु मेमेगु समिति व संस्थातय्गु तकं यातायात व्यवस्था विभागं विवरण संकलन यानाः अर्थ मन्त्रालयय् छ्वयेगु व अर्थ मन्त्रालयमार्फत ल्यं दुगु दक्वं यातायात समितितय्गु तकं खाता रोक्का यायेगु व अज्याःगु समितितय्गु छु गुलि ध्यबा दु धइगु उकिया विवरण तयार यायेगु निर्णय याःगु खः ।

सम्बन्धित बुखँ

LEAVE YOUR COMMENTS