‘राउतया विवाद अनावश्यक’

येँ – २ नम्बर प्रदेशया मुख्यमन्त्री लालबाबु राउतं भारतीय प्रधानमन्त्री नरेन्द्र मोदीया जनकपुरय् जूगु अभिनन्दन ज्याझ्वलय् न्ववाःगु खँयात कयाः संसदय् ब्वलंगु विवादयात संघीय समाजवादी पार्टीया सहअध्यक्ष राजेन्द्र श्रेष्ठं अनावश्यक टिप्पणी धयादीगु दु ।

नेपाःया संविधान अझ नं विभेदकारी जूगु व वहे खँयात मुख्यमन्त्री राउतं ध्यानाकर्षण याःगु धासें वय्कलं सत्ताधारी पार्टीतय्सं दयेकूगु विभेदकारी संविधानयात अन्तर्राष्ट्रिय ख्यलं समर्थन यात धया जुइगु अले उगु संविधान विभेदकारी धायेवं विरोध यायेगु उचित मजूगु खँ नं वय्कलं धयादिल ।

सत्ताधारी दलतय्सं अन्तर्राष्ट्रिय क्षेत्रय् लबिङ यायेबलय् आन्तरिक मामिला मजुइगु अले आः मुख्यमन्त्रीं अज्याःगु हे खँ न्ववायेवं आन्तरिक मामिला जुल धया जुइगु गलत खः धासें मुख्यमन्त्री राउतं पार्टीया एजेन्डा कथं हे न्ववाःगुलिं वय्कःयात पार्टीया पूर्ण समर्थन दइगु खँ नं नेता श्रेष्ठं ‘नेपालभाषा टाइम्स’ यात कनादिल ।

सम्बन्धित बुखँ

LEAVE YOUR COMMENTS