मकालु एयरया विमान दुर्घटनाय् चालक दलया निम्ह दुजः मन्त

येँ – हुम्लाया सिमिकोटया निंतिं ब्वयावंगु मकालु एयरया छगः विमान दुर्घटना जुयाः चालक दलया निम्ह दुजःत सीगु दु । सुर्खेतया विमानस्थलं हुम्लाया सिमिकोटय् ब्वयावंगु मकालु एअरया ढल्–ब्व्ग् ऋद्दण्डद्य ९ऋककबलब० या छगः इन्जिन दुगु विमान दुर्घटना जूगु खः । उगु जहाज सिमिकोट विमानस्थलं ७.७ नटिकल माइकल दक्षिण पूर्व खार्पुनाथ गाउँपालिकाय् उगु विमान दुर्घटना जूगु अवस्थाय् लुइकूगु खः । विमानया न्ह्यःनेया ब्वः बँय् न्यानाः विमानया लिउनेया ब्व कुचा कुचा जुयाच्वंगु अवस्थाय् लुइकूगु खः । विमानय् तयायंकूगु सामान व भ्वँ फुक्क छरपस्त जुयाच्वंगु दु । विमान छु जुयाः दुर्घटना जूगु धयागु धाःसा सीमदुनि ।
विमान दुर्घटना जुयाः क्याप्टेन किरण भट्टराई व आदित्य नेपाली सीगु खँ त्रिभुवन अन्तर्राष्ट्रिय विमानस्थल नागरिक उड्डयन कार्यालयं धाःगु दु । थुगु विमान सुर्खेत विमानस्थलं सुथय् ६ः१२ बजे ब्वयावंगु विमान ६ः२७ य् नेपालगञ्ज टावरय् अन्तिम सम्पर्क जूगु खँ धाःगु दु । उबलय् निसें विमान तनाच्वंगु खः ।

सम्बन्धित बुखँ

LEAVE YOUR COMMENTS