ज्योति मगरयात पर्सि सिंकां छु याये ?

छगू बुखँ वइ । नांजाःम्ह म्येँ हालामि ज्योति मगरयात इटहरीं नसिहत बी । ‘म्येँ हाः वयेगु खःसा छाडा वसः पुनाः वये दइमखु । पर्सि सिनाः वयेमाः ।’ ज्योति मगर छम्ह थौंकन्हय् लोकंह्वाःम्ह म्येँ हालामि खः । मगरया विशेषता म्येँ हालामिकथं जक मखु । म्येँ हालेबलय् वं पुनीगु सेक्सी वसः व दबुलिइ म्येँ लिसेलिसें वं क्यनीगु सेक्सी हाउभाउया कारणं नं व श्रोता पुचलय् आकर्षणया केन्द्र जुयाच्वंगु दु । फयां फक्व अंग प्रदर्शन यानाः म्येँ हालाः ल्याय्म्ह ल्यासे न्यनामि, स्वकुमिया पुचलय् लोकंह्वायेगु होडबाजीइ आधुनिक म्येँ हालीपिं मय्जुपिं थौंकन्हय् कुहां वयाच्वंगु खनेदु । सेक्सी म्येँ हालीपिं मय्जुपिंत कयाः थीथीकथंया प्रतिक्रिया खनेदइ ।
थौंकन्हय्या न्यनामिपिंसं ज्योति मगर थेंज्याःपिनि म्येँ, म्येँ हालीबलय् पुनीगु अर्धनग्न पहिरन अले म्येँ हालीबलय्या रतिरागात्मक मुद्रा दक्वंयात ईया माग खः धकाः लसकुस याइ । उकी श्रोतावर्ग न्ह्यइपुका च्वनी । आनन्द काइ । तर गुलिखे थज्याःगु प्रस्तुतियात अश्लिलता, छाडा खंकाः थुमित नियन्त्रण यायेमाः धकाः असन्तोष व्यक्त याइपिं नं दु । अंग प्रदर्शन, छाडा नृत्य मुद्रायात कयाः ज्योति मगरयात इलय्व्यलय् न्ह्यसः तइ । अश्लिलताया द्वपं बी । तर ज्योति मगरं कूटनैतिक धंगं लिसः बी । ‘म्येँ हालेबलय् जिं पुनेगु वसःया ढाँचा, सनेगु पहः जिगु थःगु निजी अभिरुचिया विषय जक मखु, श्रोतातय् चाहना नं खः । जिमिगु धर्म श्रोतातय् अभिरुचियात सन्तोष बीगु खः । आनन्द बीगु खः । थुकी जिमिगु दोष मदु । थज्याःगु तर्क न्ह्यब्वयाः थौंकन्हय्या छथ्वः म्येँ हालामि
मय्जुपिंसं दबू क्वाकी । श्रोतातय्त उत्तेजित याइ । मनोरञ्जन बी ।
ख नं खः । थौंकन्हय्या म्येँया न्ह्यःने पुलांगु सुमधुर म्येँतला शोक धुन थें खनेदइ । थौंकन्हय्या श्रोतातय्त इमिसं सँ छपु नं संके फइमखु । म्येँ धइगु न्हापा न्हापा श्रव्य जुइ । न्हाय्पनं न्यनेगु । थौंकन्हय् म्येँ न्यनेगु विषय जक मखया बी । मिखां खंकेगु नं विषय जुया बी । म्येँय् थ्वयाच्वंगु भावयात भाषा, सलं जक मखु म्हया अंग, अंगं नं थ्वयेकाच्वनी । पिज्यवयेका च्वनी । यौन उत्तेजना बृद्धि याना ल्याय्म्ह ल्यासे पुचःयात विकृत याइगु म्येँयात निषेध यायेमाः । थज्याःगु हे आशयं ज्योति मगरयात इटहरीइ अर्धनग्न पहिरनय् म्येँ हायेके बी मखु । पूर्ण पहिरनय् वयेमाः धकाः होसियार याकूगु जुइ ।
तर देशय् न्हियान्हिथं थें अप्वया वनाच्वंगु यौन उत्तेजनायात पनेत ज्योति मगर थेंज्याःपिंत कट्टु त्वकाः पर्सि सिंकेगु, मदुगु लं त्वकाः चौबन्दी लं फिकेवं सम्भव जुइमखु । थौंकन्हय्या ल्याय्म्ह ल्यासेतय्त यौन उत्तेजनाय् अन्य नग्न विधि छ्यलाः फँसे यायेत स्वइपिं नं उतिकं सक्रिय खनेदु । खंकेमाः । सीकेमाः ।
टि.भी.इ ‘धमलाया हमला’ ज्याझ्वलय् पत्रकार धमलां फिल्मी अभिनेत्री, म्येँ हालामि मय्जुपिंत अन्तर्वार्ताय् न्यनेगु याः । ‘छिं सेक्स याये धुनला ?’ गुलिं ला कुमारी नायिका । म्येँ हालामिपिंत नं थथे तप्यंक निसंकोच न्ह्यसः तइ धमलां । अथे हे विवाहित नायिकातय्त ‘छिगु न्हापांगु सेक्स अनुभव गथे जुल ?’ पत्रकार धमलां थज्याः थज्याःगु हे न्ह्यसः तयाः लिसः बीपिंत कातुमतु काकी ।
अथे हे मेगु अनलाइन टि.भी. नं दु । थौंकन्हय् मय्जुपिंत अन्तर्वार्ताय् तप्यंक ‘सेक्स याये धुन ला ? अनुभव गथे च्वं ?’ धकाः जा नये धुनला ? केँ नये धुनला ? पारां न्ह्यसःत न्यनी । टि.भी. खने दइगु धमलाया थेंज्याःपिनिगु थज्याःगु अन्तर्वातात नं नग्न, अश्लिल अले यौन छाडापनया दसु मखुला ? अन्तर्वार्ताय् मय्जुपिंत सःताः आकाझाकां धइथें थज्याःगु न्ह्यसः तयेगु धइगु महिला हिंसा मखुला ? यौन स्वतन्त्रता दुगु पश्चिमी मुलुकय् नं थज्याःगु उच्छृंखल न्ह्यसःत मिसा वर्गप्रति तयेगु याइमखु ।
सार्वजनिक संचार माध्यमय् थज्याःगु नग्न न्ह्यसःत तयाः मिसा कलाकारतय्पाखें छु ल्ह्वकेत स्वःगु खः ? जिम्मेवार मनूतय्सं थुकी चिउताः तयेमाः ला कि म्वाः ? मिसा अधिकारवादीतय्सं अन्तर्वार्ताया नामय् मय्जुपिंत नग्न यायेत स्वइपिनिगु हर्कटयात पने माः लाकि म्वाः ? थ्व समस्त मिसाप्रतिया हे उपहास खः ला कि मखु ?
उकिं थौं ज्योति मगरयात पर्सि सिंकेमाः धकाः यौत उच्छृंखलाता पनेत स्वये न्ह्यः नवःगु न्ह्यसः तयाः मिसा वर्गया कट्टु त्वका जुइपिं ऋषि धमला व वयागु गुथियारतय्त तह लगे यायेमाः । ज्योति मगरयात पर्सिं सिकेवं जक समस्या समाधान जुइमखु ।

अप्वया वनाच्वंगु यौन उत्तेजनायात पनेत ज्योति मगर थेंज्याःपिंत कट्टु त्वकाः पर्सि सिंकेगु, मदुगु लं त्वकाः चौबन्दी लं फिकेवं सम्भव जुइमखु । थौंकन्हय्या
ल्याय्म्ह ल्यासेतय्त यौन उत्तेजनाय् अन्य नग्न विधि छ्यलाः फँसे यायेत स्वइपिं नं उतिकं सक्रिय खनेदु ।

सम्बन्धित बुखँ

LEAVE YOUR COMMENTS