‘मेयरयात दाःपिं म्हसिल’

थिमि – मध्यपुर थिमि नगरपालिकाया मेयर मदनसुन्दर श्रेष्ठयात आक्रमण याःपिं अपराधीत पत्ता लगे जूगु खँ सांसद महेश बस्नेतं कनादीगु दु । आइतवाः शंखधर पार्टी पालेसय् जूगु पत्रकार सम्मेलनय् सांसद बस्नेतं यलया लुभुइ उपिं सुलाच्वंगु थासय् हे प्रहरीं छापा मारे यायेधुंकूगु तर अपराधी चप्पल हे मन्ह्यासें बिसिउँ वंगु कारणं जक वयात ज्वने मफुगु तर याकनं ज्वनीगु विश्वास प्वंकादिल ।

नेकपा एमाले ख्वप जिल्ला समितिं याःगु पत्रकार सम्मेलनय् पार्टीया आधिकारिक धारणा न्ह्यब्वसें जिल्ला कार्यवाहक अध्यक्ष बच्चन देउजां नगर दुने छुं अप्रिय निर्णय याःगु कारणं मखुसें पार्टी एकता खनाः ग्याःपिंसं हे थ्व ज्या याःगु खः धासें थुकी विप्लब माओवादीया संलग्नताया आशंका नं यानादिल ।

थःपिंसं छुं ई धैर्य यायेगु व छुं जुयाः प्रहरीं अपराधी मज्वन धाःसा पार्टीं हे अपराधी विरुद्ध ‘एक्सन’ कायेगु जुइ धकाः नं पूर्व मन्त्री बस्नेतं स्पष्ट यानादिल ।

सम्बन्धित बुखँ

LEAVE YOUR COMMENTS