एकायन कराते काभ्रेया न्हापांगु साधारणसभा

काभे्र –  नेपाल एकायन कराते संघ काभ्रे जिल्ला समितिया न्हापांगु साधारणसभा जुल । भ्वँत नगरपालिका वडा नं. ५ काँथु गणेद्यःयाथाय् च्वंगु वडा ज्याकुथिइ साधारणसभा जूगु खः ।जिल्ला समितिया अध्यक्ष सुनिल तामांगया सभापतित्वय् जूगु ज्याझ्वलय् काभ्रे जिल्ला खेलकुद विकास समितिया अध्यक्ष सचितानन्द केसी मूपाहांकथं झायादीगु खःसा भ्वँत नगरपालिका वडा नं. ५ या वडाअध्यक्ष बलराम अधिकारीया नं उपस्थिति दुगु खः ।

नेपाल एकायन कराते संघया केन्द्रीय अध्यक्ष श्रीकृष्ण डंगोल विशेष पाहां कथं झायादीगु साधारणसभां रविन्द्र वैदारया अध्यक्षताय् संघया काभ्रे जिल्ला समितिया न्हूगु ज्यासना पुचःया नं ल्यज्या याःगु खः । न्हूगु ज्यासना पुचलय् मनिष कायस्थ उपाध्यक्ष, सागर मानन्धर सचिव, विनिता रानामगर मानन्धर कोषाध्यक्षय् च्वनादीगु दुसा दुजलय् अरुण अधिकारी, दिपक तामांग, सुरेश वाईवा, बाबु तामांग घिसिंग व निशा कर्माचार्य निर्वाचित जुयादीगु दु ।

सम्बन्धित बुखँ

LEAVE YOUR COMMENTS