विश्वकप २०१८

निर्वाचित पत्रकारतय् शपथ ग्रहण

येँ – नेपाल पत्रकार महासंघ उपत्यका, प्रतिष्ठान व एसोसियट प्रदेशया पदभार ग्रहण समारोह मंगलवाः नेपाल पत्रकार महासंघया ज्याकुथिइ जुल । केन्द्रीय निर्वाचन समितिया संयोजक बबिता बस्नेतं नवनिर्वाचित पदाधिकारीतय्त शपथ ग्रहण याकादीगु खः ।

वयां न्ह्यः मूपाहां नेपाल पत्रकार महासंघया अध्यक्ष गोविन्द आचार्यं निर्वाचित जूगु प्रमाणपत्र लःल्हानादीगु खः । निर्वाचन समितिया संयोजक बस्नेतया सभापतित्वय् जूगु ज्याझ्वलय् मूपाहां आचार्यं महासंघयात संघात्मक ढंगं संगठनात्मक अभ्यास न्ह्याकायंकेगु खँ कनादिसें न्हूपिं सदस्य दयेकेगु खँय् महासंघय् तालाबन्दी जुइगु वातावरण आः मवयेकेगु कनादिल ।

महासंघया महासचिव रमेश विष्टं नागरिक संगठनया अगुवा संगठन कथं पत्रकार महासंघं ज्या यानाच्वंगु न्ह्यथानादिसें आः उर्जा थप यानाः नेपाली मिडियां केन्द्रलिसें सतिक ज्या यायेगु जुइ धयादिल । ज्याझ्वलय् एसोसियटया अध्यक्ष केपी ढुंगाना, प्रतिष्ठानया अध्यक्ष शेखर अधिकारी व उपत्यका अध्यक्ष एन के दाहालं नं भिन्तुना बियादीगु खःसा ज्याझ्वः लिपा उपत्यकाया बैठकं याकनं हे ज्याकू ब्यवस्था यायेगु क्वःछिउगु दु ।

सम्बन्धित बुखँ

LEAVE YOUR COMMENTS