पूर्ण वैद्यया विम्बय् सहलह

येँ – नेपाल–भाषाया न्हापांम्ह आधुनिक कवि पूर्ण वैद्यया ‘लः लः खः’ कविता मुनाय् दुथ्याःगु कविताय् विम्बया प्रयोग बारे अन्तक्र्रिया ज्याझ्वः जुल । लिजः नेपालभाषा कविता दबूया ग्वसालय् आइतवाः उगु ज्याझ्वः जूगु खः । ज्याझ्वलय् कवि वैद्यं ‘लः लः खः’ कविताय् छ्यलादीगु विम्व बारे प्रा.डा. श्रीधर लोहनीं दुग्यंक कुलादीगु खः ।

ज्याझ्वलय् सहभागीपिंसं तःगु जिज्ञासाया लिसः बिसें कवि वैद्यं थुगु सफू वास्तवय् लःया बारे जक च्वये धकाः च्वयागु मखु, कविता च्वयेगु झ्वलय् लःयात कयाः च्वयातयागु कविता तःपुमछि खने दुगुलिं पासापिंसं लःया बारे जक च्वयातःगु कविताया अलग्ग जक सफू पिकाःसा जी धकाः सुझाव बिउगुलिं थ्व सफू पिथनागु खँ कनादिल ।

थःगु जीवनय् जूगु घटना, मेपिनिगु जीवनय् जूगु घटनायात अनुभूत यानाः थुपिं कविता सिर्जना यानागु खँ नं कवि वैद्यं कनादिल । वय्कःया कविता बारे खँ तयेगु झ्वलय् प्रा.डा. लोहनीं विश्वय् न्हापां विम्ब छ्यलाः कविता च्वःम्ह इज्रा पाउन्ड खः, कवि बैद्ययात विम्बवादी कवि नं धायेगु याः धासें ‘लः लः खः’ कविता मुनाय् विम्ब जक मखु प्रतिक नं छ्यलातःगु खँ कनादिल ।ज्याझ्वःयात लिजःया नायः नविन चित्रकारं सहजीकरण यानादीगु खः ।

सम्बन्धित बुखँ

LEAVE YOUR COMMENTS