येँ – येँ मनपा १५ वडा दुने स्वयम्भूया जःखः ‘कास्की चोक’ नां तयाः स्थानीय थाय्या नामाकरण याःगु खँय् १५ वडाया ज्याकुथी थःगु ध्यानाकर्षण जूगु खँ धाःगु दु । जनकवि केशरी धर्मराज थापाया नामं नीस्वंगु प्रतिष्ठानया ज्याकू दुगु थाय्या नां
‘कास्की चोक’ तयाः ब्यानर समेत तयातःगु खनेवं स्थानीय जनतां सरोकार क्यना हःगु खः ।
उकी हे थःगु ध्यानाकर्षण जूगु खँ न्ह्यथँसें वडा कार्यालयं उगु ब्यानर तःगु निकाययाके न्यनेकने यायेत्यनागु खँ धाःगु दु ।
थौंकन्हय् स्वनिगःया थीथी न्हू वस्तीइ पुलांगु नां स्यंकाः थः यत्थे नामाकरण यायेगु प्रवृत्ति अप्वया वःगुलिं स्थानीय जागरुक जनतां हानं पुलांगु हे नां छुइगु अभियान न्ह्याकाच्वंगु इलय् हे थथे येँय् कास्की जिल्लाया नां तयाः त्वाःया नामाकरण याना हःगु खनाः स्थानीय जनता तम्वयाच्वंगु दु ।
LEAVE YOUR COMMENTS