स्वांयाःपुन्हिया लसताय् किपा ब्वज्या

येँ – २५६२ क्वःगु स्वांयाःपुन्हिया लसताय् चिनिया कलाकारं च्वःगु किपा थनया नेपाल ललितकला परिषद् बबरमहलय् ब्वज्या जुयाच्वंगु दु । चिनिया कलाकार सी नेङ दाओं च्वयादीगु बुद्ध व मंजुश्रीया किपा ब्वज्या जुयाच्वंगु खः । स्वांयाःपुन्हिया लसताय् लाकाः जूगु किपा ब्वज्याय् विशेष यानाः गौतम बुद्ध व मंजुश्रीलिसे सम्बन्धित थीथी किपा नापं चिनिया संस्कृतिया किपा नं दुथ्याकातःगु दु ।

किपा ब्वज्याया उलेज्या पुलांम्ह मन्त्री केशव बडालं यानादीगु खः । उगु इलय् कला व संस्कृतिलिसे सम्बन्धित ज्याझ्वःपाखें नेपाः व चीनया स्वापूयात जनस्तरतक थ्यंकेत योगदान जुइगु विश्वास वय्कलं प्वंकादिल । पूर्व सांसद मंचया नायः ओमकारप्रसाद श्रेष्ठ, नेकपा (माले)या महासचिव सीपी मैनाली, चीनया निंतिं नेपाःया पूर्व राजदूत टंक कार्कीं नं नुगःखँ तयादीगु खः ।

बुद्धिष्ट एशोसियसन अफ चाइनाया कार्यकारी सदस्य तकं जुयाच्वनादीम्ह चिनिया कलाकार दाओं नेपाली थांकालिसें मिले जूसां सामान्य धंगं सिर्जना यानागु चित्रकला नेपालय् ब्वज्या याये खंगुलिं थः तसकं लय्ताःगु धयादिल ।

सम्बन्धित बुखँ

LEAVE YOUR COMMENTS