डेम्बले हाकनं मैदानं पिने

बार्सिलोनां ९८.८ मिलियन पाउण्ड खर्च यानाः क्लबय् हःम्ह आउसमान डेम्बले ह्याम्स्ट्रिंगया समस्या यानाः लछिया निंतिं मैदानं पिने लाइगु जूगु दु ।
दकलय् थिकेम्ह कासामिया धलखय् स्वंगूगु थासय् लानाच्वंम्ह फ्रेञ्च कासामि डेम्बले म्हिगः रियल सोसिडाड लिसे जूगु कासाय् चोटग्रस्त जूगु खः । म्हिगः जूगु कासाय् बार्सिलोनां सोसिडाडयान निगू गोलं लिउने लायेधुंकाः नं निगू गोलया विरुद्ध प्यंगू गोलं त्याकूगु खः।
वंगु सेप्टेम्बरय् ह्याम्स्ट्रिंगया समस्या जुयाः आराम कयाच्वंम्ह डेम्ब्ले चोटमुक्त जुयाः प्यंगू कासा म्हितूबलय् हाकनं चोटग्रस्त जूगु खः ।
तःधंगु रकम खर्च यानाः क्लबय् हःम्ह डेम्बलें आःतक बार्साया निंतिं मुक्कं स्वंगू जक कासा म्हितेखंगु दु ।
क्लबं छगू वक्तव्य पिथँसें थीथी परीक्षण लिपा डेम्ब्लेयात ह्याम्स्ट्रिंगया समस्या जूगु पक्का जूगु तर छुं ई न्ह्यव जक अपरेशन याःथाय् समस्या मदुगु खँ धाःगु दु ।

सम्बन्धित बुखँ

LEAVE YOUR COMMENTS