मोनोरेलया निंतिं चिनिया कम्पनीया प्रस्ताव

येँ – येँ महानगरपालिकाय् मोनोरेल निर्माणया निंतिं छगू चिनिया कम्पनीं प्रस्ताव न्ह्यब्वःगु दु । येँ मनपाय् मोनोरेल (सतकय् संचालन जुइगु रेल) निर्माणया निंतिं चिनिया कम्पनीं प्रस्ताव न्ह्यब्वःगु खः । चिनिया कम्पनीं निदँया दुने मोनोरेल निर्माण यायेगु सिधयेकेगु ल्याखं प्रस्ताव हःगु खः ।

चिनिया कम्पनी सीआरसीसीं स्वनिगःया चक्रपथ लागाय् मोनोरेल निर्माण यायेगु व निदँया दुने पूर्णरुपं तयार याना बीगु ल्याखं प्रस्ताव हःगु येँ मनपा सार्वजनिक निजी साझेदारी इकाइ प्रमुख महेश काफ्लें जानकारी बियादीगु दु ।

चक्रपथ लागाया २८ किलोमिटर सतकय् निदँया दुने मोनोरेल संचालनय् हयेगु योजनासहितया प्रस्ताव चिनिया कम्पनीं पेश याःगु जानकारी वय्कलं बियादीगु दु । उगु प्रस्तावयात कयाः येँ मनपाया प्रमुख विद्यासुन्दर शाक्यलिसें सहलह नं जुयाच्वंगु दु ।

सम्बन्धित बुखँ

LEAVE YOUR COMMENTS