विश्वकप २०१८

थौं देय्न्यंकं व्यवसायीपाखें यातायात सेवा ठप्प, माग पूमवंसा लगातार हे बन्द

येँ – यातायात मन्त्रालय व यातायात व्यवसायी महासंघ दथुइ म्हिगः जूगु सहलह असफल जुइवं व्यवसायीपाखें थौं देय्न्यंकं यातायात ठप्प याइगु जूगु दु । सहलहय् यातायात व्यवसायीं निर्देशिका लित काल धाःसा थःपिंसं आन्दोलन लित काये धाःगु खःसा सरकारी पक्षं निर्देशिका लित काये मफइगु खँ धाःगु खः । महासंघया अध्यक्ष योगेन्द्र कर्माचार्यया नेतृत्वं उगु सहलहय् ब्वति काःगु खः ।

मेखे महासंघया वरिष्ठ उपाध्यक्ष ऐनकुमार शाहीं आः थःपिनि आन्दोलन जारी हे जुइगु खँ ‘नेपालभाषा टाइम्स’ यात कनादीगु दु । कन्हय्या बन्द छन्हु जक जुइगु व वयां लिपा २७ गतेनिसें निरन्तर यातायात बन्द यायेगु खँ नं वय्कलं कनादिल ।
सिन्डिकेट बारे न्यनागु न्ह्यसलय् वय्कलं धयादिल, ‘सिन्डिकेट बारे सरकारं नं थुयाच्वंगु मदु, जिमिसं नं थुइके फयाच्वंगु मदु ।’

छुं नं सामान उत्पादन यानाः थःपिंसं हे निश्चित भाः तयाः मीगुयात सिन्डिकेट धाइ तर थःपिंसं सरकारं क्वःछिनातःगु भावं हे सेवा बियाच्वनागु जूगुलिं उकियात सिन्डिकेट धाये मजिउगु तर्क नं वय्कलं तयादिल ।

 

वामपन्थी व्यवसायीं धाःसा चले याइगु
कांग्रेस समर्थित यातायात व्यवयासीतय्सं यातायात बन्द याःसां वाम– पन्थी बिचाःयापिं व्यवसायीतय्सं धाःसा थौं गाडी चले याइगु खँ धाःगु दु । म्हिगः सरकारं उपिंलिसे गोप्य वार्ता यासें थौं गाडी चले यायेत इनाप याःगु खः ।

वाम यातायात व्यवसायीतय्सं नं गाडी चले यायेत सहमति क्यँसें छगू निगू माग न्ह्यःने तःगु दु । यात्रुया बीमा रकम थपे यायेमाःगु, कम्पनी कथं दर्ता यायेत स्वंगः जक गाडी दःसां गाःगु व्यवस्था जुइमाः धकाः उमिसं माग याःगु खँ सीदुगु दु । उमिगु थ्व खँय् सरकार सकारात्मक जूगु खँ धाःगु दु ।

सम्बन्धित बुखँ

LEAVE YOUR COMMENTS