विश्वकप २०१८

प्रमुख शाक्यया अध्यक्षताय् शिक्षा समिति

येँ – येँ महानगरपालिकाया प्रमुख विद्यासुन्दर शाक्यया अध्यक्षताय् शिक्षा समिति गठन याःगु दु । येँ मनपा प्रमुख शाक्यया अध्यक्षताय् गठन याःगु समितिइ झिंछम्ह दुजः दु । प्रमु शाक्यया अध्यक्षताय् गठन याःगु शिक्षा समितिइ उपप्रमुख हरिप्रभा खड्गी श्रेष्ठ, वडाअध्यक्षलिसें झिंछम्ह दुजः दु । माध्यमिक तह तकया शिक्षाया स्थानीय तह संचालन याये दइगु व्यवस्थालिसें येँ मनपा प्रमुखया अध्यक्षताय् उगु समिति गठन याःगु खः ।

येँ मनपाया सूचना अधिकारी वसन्त आचार्यं बियादीगु जानकारीकथं माध्यमिक तहतकया शिक्षा संचालनया जिम्मेवारी स्थानीय तहयात वयेवं आः व्यवस्थित रुपं विद्यालय संचालन यायेत उगु समिति गठन याःगु खः । उगु समितिं शिक्षालिसे सम्बन्धित सकतांकथंया नीतिगत निर्णय याइगु नं वय्कलं कनादिल । समितिं येँ महानगरपालिकाया दुनेया विद्यालय संचालनया अवस्था, उकिया जानकारी कायेगु, आवश्यक कथं विद्यालय मर्ज यायेगु व खारेज यायेगु नापं कक्षा थप यायेगु वा मयायेगु धइगु सकता निर्णय याइ ।

थ्व हे झ्वलय् समिति गठनलिसें न्हापांगु मुँज्या च्वंगु दु । समितिया न्हापांगु बैठकं संस्थागत विद्यालयय् ब्वनाच्वंपिं गरिब, जेहेन्दार व सहीदया मस्तय् निंतिं छात्रवृत्ति बीगु ज्या सम्बन्धित वडा ज्याकूपाखें यायेगु निर्णय याःगु दु । थनिं दछि न्ह्यः जूगू स्थानीय तहया निर्वाचन लिपा स्थानीय सरकारयात बिउगु अधिकारकथं हे येँ मनपा दुनेया दक्वं विद्यालय संचालनया जिम्मा आः येँ मनपायात वःगु दु । छगू तथ्यांककथं येँ मनपा दुने करिब सछिगू सामुदायिक विद्यालय व ७०० स्वयां अप्वः निजी विद्यालय संचालन जुयाच्वंगु दु ।

सम्बन्धित बुखँ

LEAVE YOUR COMMENTS