विश्वकप २०१८

सिआइए निर्देशकपाखें उत्तर कोरिया भ्रमण याःगु खुलासा

अमेरिकी गुप्तचर निकाय सिआईएया निर्देशक माइक पोम्पेओं उत्तर कोरियाली नेता किम जङ अनलिसे छगू गोप्य वार्ताया निंतिं प्योङयाङया भ्रमण याःगु खँ अमेरिकी मिडियां न्ह्यथंगु दु । वाशिंगटन पोस्ट व समाचार संस्था रोयटर्सं ट्रम्प व किम दथुइ प्रत्यक्ष वार्ताया तयारीया निंतिं पोम्पेओ प्योङयाङ वंगु खँ न्ह्यथँगु दु ।

थ्वयां न्ह्यव ट्रम्पं अमेरिका व उत्तर कोरिया दथुइ उच्चस्तरय् वार्ता जूगु खँ स्वीकार यानादीधुंकूगु दु । फ्लोरिडाय् जापानी प्रधानमन्त्री शिन्जो आबेलिसे निन्हुयंकंया बैठकया सुरुइ न्ववानादिसें ट्रम्पं वार्ता जुयाच्वंगु खँ धयादीगु खः । उबलय् वय्कलं धयादीगु खः, ‘अमेरिका व उत्तर कोरिया दथुइ तःधंगु उच्चस्तरीइ वार्ता जुयाच्वंगु दु ।’

वय्कलं किमलिसेया बैठकया निंतिं न्यागू थाय्या बारे सहलह जुयाच्वंगु खँ नं धयादीगु दु । राष्ट्रपति ट्रम्पं विदेशमन्त्री कथं न्ह्यःने हयातःम्ह सिआइएया निर्देशक पोम्पेओं किमलिसे गोप्य वार्ताया निंतिं उत्तर कोरियाया भ्रमण याःगु बारे दकलय् न्हापां वाशिंगटन पोष्टं समाचार च्वःगु खः । तर उगु भ्रमण शिखर बैठकया निंतिं जूगु धयागु बाहेक भ्रमणय् छु गज्याःगु खँ जुल धयागु धाःसा सुनां धायेफुगु मदुनि ।

सम्बन्धित बुखँ

LEAVE YOUR COMMENTS