विश्वकप २०१८

खर्च कटौटी यायेत विश्व बैंकया सुझाव

येँ – विश्व बैंकं देय् संघीय प्रणालीइ वनेधुंकूगुलिं थप वित्तिय दायित्व ब्वलनाः खर्च अप्वइगु जूगुलिं खर्च कटौती यायेगु सुझाव बिउगु । बैंकं खर्च व्यवस्थापन यायेगु अनावश्यक खर्च कटौती, पेन्सन प्रणालीइ सुधार व सामाजिक सुरक्षा खर्च व्यवस्थापन यायेत सुझाव बिउगु खः । पेन्सन व सामाजिक सुरक्षा खर्च दँय्दसं अप्वया वनाच्वंगुलिं थप दायित्व अप्वःगु धासें उकियात व्यवस्थापन यायेत सुझाव बिउगु खः ।

थ्व स्वंगू क्षेत्रय् सुधार याये फतधाःसा वइगु न्हिं देय्या अर्थतन्त्र सुधार जुयाः खःगु लँपुइ वनीगु बैंकं क्वःछिउगु दु । बैंकं बुधवाः नेपाल विकास परिदृष्य सार्वजनिक यासें खर्च व्यवस्थापन मयात धाःसा समस्या वयेफइगु पाखें सचेत याकूसें खर्च कटौती आःया निंतिं बांलाःगु लँपु जूगु खँ धाःगु दु । दायित्व अप्वयाः बजेट घाटा मुक्कं ग्राहस्थ उत्पादनया ५.९ प्रतिशत थ्यंगु धासें उकियात सुधार यायेमाःगु सुझाव नं बियातःगु दु ।

कर्मचारीयात अवकास लिपा बीमाःगु पेन्सनं थप दायित्व ब्वलंकूगु धासें उकियात पुर्नसंरचना यायेमाःगु सुझाव नं बैंकं बिउगु दु । बैंकं झिदँ न्ह्यः मुक्कं ग्राहस्थ उत्पादनया ०.५ प्रतिशत दुगु, पेन्सन अप्वया १.५ प्रतिशत थ्यंगु धासें थुकियात व्यवस्थापन यायेत सुझाव बिउगु दु । बैंकया वरिष्ठ अर्थशास्त्री ड्यामिर कसिकं लिपांगु स्वदँ थुखे बजेट वास्तविक धरातल स्वयां पिने वनाः तर्जुमा याःगु धासें थुकिं यानाः वित्तिय क्षेत्रय् संकट वःगु खँ कनादिल ।

थुकिं यानाः बैंकिङ प्रणालीइ तरलताया अवस्था कमजोर व ब्याजदर अप्वयेकेत ग्वाहालि जूगु बिचाः वय्कलं प्वंकादीगु दु । बैंकया थिकेगु ब्याजदरं उत्पादन लागत अप्वयेकूगु खँ कनादिसें थुकिं यानाः नं अर्थतन्त्रय् छुं लिच्वः लाःगु खँ धयादिल । लिपांगु इलय् रेमिट्यान्स वइगु म्होति, आयात वृद्धि जूगुलिं शोधान्तर घाटाय् वंगु बैंकं धाःगु दु ।

सम्बन्धित बुखँ

LEAVE YOUR COMMENTS