ने. सं. ११४४ चौलाथ्व द्वादशी -

जादूया मन्त्र छु खः ? सीके माल

वाम एकताया नामय् जूगु चुनावय् एमाले, माओवादी पार्टीं सयुक्त रुपं बहुमत प्राप्त याइ । व हे चुनावया लिच्वःकथं केपी ओलीजु प्रधानमन्त्री जुइ । संसदय् प्रधानमन्त्री ओलीजुं दुईतिहाइ मत प्राप्त याइ । गणितीय रुपं प्रधानमन्त्री ओलीजु शक्तिशाली जुइ । प्रम ओलीजुं संसदय् प्राप्त याःगु भव्य मतयात कयाः थीथी विचाःत थना बिउगु दु । ‘आः देशय् सरकारयात इकिधिकि संके फइमखु । स्थिर सरकार पक्का । देय् राष्ट्र निर्माणपाखे अविचलित जुयाः सरकार न्ह्याः वनी ।’

प्रम ओलीजुं प्राप्त याःगु सशक्त बहुमतप्रति सकारात्मक शुभसंकेतया सः थ्वयेकीपिं दइ । खतुं संसदीय व्यवस्थाय् सत्ता पक्षया शक्तिया जक महत्व दइगु मखु । शक्तिशाली प्रतिपक्षया नं संसदीय व्यवस्थाय् उतिकं महत्वपूर्ण भूमिका दइ । तर वर्तमान संसदय् प्रतिपक्षया ताकत कमजोर ।छखेर प्रम ओलीजुं प्राप्त वाम गठबन्धनया मत हे यथे स्वः । मेखेर कमजोर प्रतिपक्षी । प्रतिपक्षया कमजोर स्थितिं यानाः ओलीजुया शक्ति झन अप्वः बलवान खनेदइ । थ्व स्वाभाविक खः ।

देशं छम्ह शक्तिशाली प्रम प्राप्त यायेफुगु अवस्थाय् देशया चौतर्फिं विकासया निंतिं आशावादी संकेत जुइ । देय्या कर्तव्यष्ठि शासक, नेताया निंतिं शक्ति थःगु विलाशिताया निंतिं जुइमखु । निजी महत्वाकांक्षा पूवंकेगु ज्याभः जुइ मखु । बरु देय् व देशवासीतय् सेवा, समृद्धि, उत्थानया निंतिं तिबः जुइ । जुइमाः । शासकतय्सं याइगु शक्तिया सदुपयोग, दुरुपयोगं देय्या भाग्य उत्थान पतन जुयाच्वनी । इतिहासं क्यनी । शक्ति स्वयम साध्य मखु । व देश निर्माणया निंतिं साधन जक खः ।

प्रम ओलीं प्राप्त याःगु सशक्त मतया आधारय् प्रम ओली इतिहासय् जुजु महेन्द्र स्वयां नं बलवान खः । जूगु दु । प्रम ओलीया राजनैतिक शक्तिया विविधकथं तुलनात्मक चित्रण याना हयाच्वंगु दु । सुनां छु आशय, स्वार्थं थज्याःगु लनेज्या यात विचारणीय जू ।

शक्ति प्राप्तिया गौरव अनुभूति यानां जक मगाः, शक्तिया प्रयोग गुलि विवेकशील जुइ फइ, शक्तिया सही उकिं हे झमलम थीकी ।
संसदय् प्राप्त अभूतपूर्व मतयात कयाः प्रम ओलीजुया वर्णन व्याख्या अनेक आलांकारिक रुपय् नं जुयाच्वंगु दु । यायेत स्वइपिं दु । प्रम ओलीं प्राप्त याःगु सशक्त मतया आधारय् प्रम ओली इतिहासय् जुजु महेन्द्र स्वयां नं बलवान खः । जूगु दु । प्रम ओलीया राजनैतिक शक्तिया विविधकथं तुलनात्मक चित्रण याना हयाच्वंगु दु ।

सुनां छु आशय, स्वार्थं थज्याःगु लनेज्या यात विचारणीय जू । विश्लेषणीय जुइ ।प्रम ओलीजुं वि.सं. २०७५ क्यंगु लसताय् थःगु सरकारया भावी कार्यक्रम, संकल्प बारे विस्तार व्याख्या याइ । कार्यक्रम, संकल्प बारे छुं न्ह्यसः थनाच्वनेगु आवश्यक जुइमखु । थज्याःगु कार्यक्रम संकल्प छु छु खः ? जुइ ? प्रधानमन्त्रीपाखें न्यने न्ह्यः हे जनतां सिउ ! जनतायात कण्ठ । कारण अज्याःगु संकल्प, आश्वासन, विश्वासया पुराण, बाखं जनतां यक्व दँ न्ह्यवंनिसें न्यना वयाच्वंगु खः ।

प्रधानमन्त्री, मन्त्रीतय्सं सरकारया संकल्प, कार्यक्रम, नीति बारे भाषणा बिबिउँ हे छ्यानां छु याये ? जबतक कार्यान्वयन पक्ष प्रभावकारी जुइमखु । जनतक राजनेतातय्के इच्छाशक्ति व इमान्दारिता दृढ जुइमखु । घोषित संकल्प व कार्यक्रम फुक्क फाल्तु गफ जक जुइ ।थौं देय्यात मखुगु ल्वचं थी धुंकल । असह्य ल्वचं । सामान्य राजनीतिक उपचारं थ्व ल्वय् निर्मूल याये फइमखु । न्हूगु सरकारं भ्रष्टाचार अन्त्य यायेगु संकल्प व्यक्त याइ ।

तर देय्या सकल शासन प्रणालीयात भ्रष्टाचारया कुमिचां भ्वाभः याना बी धुंकल । स्वयम राजनीतिक द, नेतातय्सं भ्रष्टाचारयात संरक्षण बी । ध्यबाया खेलमेलं शासन व्यवस्था, राजनीतिक चलखेल संचालित जुइ । थौं राजनीति, प्रशासनया नशा, नशाय्, हिइ दुहां वनेधुंकूगु भ्रष्टाचारयात मात्र संकल्पं चिइके फइगु स्थिति मदु ।

अथे हे देय्या राजनीति, प्रशासन दलालीतय् ल्हाती, चंगूलय् लानाच्वंगु दु । उद्योग, कलकारखाना, उत्पादनशील क्षेत्रय् देशं छुं विकास याये फुगु मखु ।उद्योगया नामय् देशय् जग्गा दलाली फस्ते जुयाच्वंगु दु । देय्या मूल लगानी जग्गा न्यायेगु, मीगुलिइ जुयाच्वंगु दु । छम्ह मन्त्रीं हालसालय् जक घोषणा याइ, आः नेपाःमि ल्याय्म्हत ज्याया निंतिं देशं पिने वनेमाली मखु, देशय् प्रशस्त लजगाः सृजना जुइ ।

सरकारं संकल्पया नामं थज्याःगु फय्गं आश्वासन बीगु जनतायात धोका मजुइ ला ? देय्या ल्याय्म्हतय्त देशय् लजगाः गय् यानाः बी ? व जादूया मन्त्र छु खः ? जनतां सीके माल । ल्याय्म्ह धमाधम देशं पलायन जुजुं वनाच्वंगुयात पनेत आः जग्गा दलालीया ज्यां प्रोत्साहित याइगु जकं खः ला ? शक्तिशाली सरकार जुयां जक मजिउ, शक्तिशाली निर्णय नं यायेमाः । मखुसा हाहां हे ई फुइ । इलं झीत पियाच्वनी मखु ।