विश्वकप २०१८

विर्तामोडय् धिमय् व बासुरि प्रशिक्षण शुरु

येँ – नेवाः देय् दबू नगर समिति विर्तामोडया ग्वसालय् लछियंकंया परम्परागत धिमय् बाजं प्रशिक्षण न्ह्याःगु दु । धिमय् लिसें हुलाप्याखं व बासुरिया नं प्रशिक्षण बीगु ज्या जुयाच्वंगु दु । नगरसमितिया नायः इन्द्र श्रेष्ठया सभापतित्वय् जूगु प्रशिक्षण उलेज्याझ्वलय् दबूया केन्द्रीय दुजः कृष्ण उदासं नासःद्यः पुजा यानाः प्रशिक्षणया उलेज्या यानादीगु खः ।

धिमय्, हुलाप्याखं व बासुरि स्वंगुलिं यानाः मुक्कं ७० म्ह प्रशिक्षार्थीतय्सं प्रशिक्षण कयाच्वंगु ग्वसाः खलकं जानकारी बिउगु दु । सुथय् व सनिलाय् यानाः न्हिं निगू कक्षा संचालन जुयाच्वंगु दु । नेवाः देय् दबू केन्द्रया प्राविधिक ग्वाहालिइ थ्व हे वंगु चैत २२ गतेनिसें न्ह्याःगु प्रशिक्षण बैशाख २२ गते तक संचालन जुइ । प्रशिक्षण येँय् नं झायादीम्ह गुरु कृष महर्जनं प्रशिक्षण बिया वयाच्वनादीगु दु ।

सम्बन्धित बुखँ

LEAVE YOUR COMMENTS