गिफ्टया फेशन शो (किपा स्वयादिसँ)

येँ – गोर्जियस इन्ष्टिच्यूट अफ फेशन टेक्नोलोजी (गिफ्ट)या ग्वसालय् शुक्रवाः गोर्जियस एटायर शो नामं फेसन शो जुल । यलया ग्वार्कोय् च्वंगु १९९९ एडिइ जूगु शोलय् गिफ्टपाखें प्रशिक्षण काःपिं थीथी डिजाइनरतय् डिजाइन न्ह्यब्वःगु खः । थीथी सिक्वेन्सय् जूगु शोया कोरियाग्राफि म्यानहन्ट २०१२ सनिस शाक्यं यानादीगु खः ।

शोलय् मूपाहाँ कथं कलाकार सरोज खनाल झायादीगु खःसा पाहाँ कथं वरिष्ठ फोटोग्राफर राजभाइ सुवाल, गायकपिं भीम तुलाधर, दिपक वज्राचार्य, बबिन प्रधान, कर्णदासपिं झायादीगु खः ।

ज्याझ्वःया पाहाँपिं लिसें डिजाइनर, प्रायोजकपिंत गिफ्टया निर्देशक शोभा महर्जनं मतिनाया चिं देछायादीगु खः । थःगु संस्थापाखें प्रशिक्षत डिजाइनरतय् प्रमोशनया निंतिं गिफ्ट दँय्दसं फेशन शो याना वयाच्वंगु खः । थुगुसी प्यक्वःगुखुसी थ्व शो जूगु खः ।

क्लबमान्डुया इन्टरटेन्टमेन्टया व्यवस्थापनय् ज्याझ्वः जूगु खः ।

 

सम्बन्धित बुखँ

LEAVE YOUR COMMENTS