विश्वकप २०१८

आरआरय् नेपालभाषा ब्वंकल

येँ – आरआर क्याम्पसय् थुगुसी निसें नेपालभाषा ब्वंकेत सहमति जूगु दु । अन ब्वनाच्वंपिं नेवाः विद्यार्थीतय्सं नेपालभाषाया क्लास तयेमाल धकाः माग याना वयाच्वंगु खः ।छुं दँ न्ह्यवंनिसें नेपालभाषा ब्वनीपिं विद्यार्थी मदुगु धासें नेपालभाषा क्लास बन्द याःगु खः । तर वंगु निला स्वला न्ह्यवंनिसें अन ब्वनीपिं विद्यार्थीपिंसं नेपालभाषा तयेमाल धकाः माग यासें ज्ञापनपत्र लःल्हाःगु खःसा तत्कालीन इलय् क्याम्पसया उपप्रध्यापकं झिम्ह विद्यार्थीं नेपालभाषा ब्वने चाहे जुल धाःसा थःपिंसं नेपालभाषा ब्वंकेगु जुइ धकाः लिसः बियादीगु खः ।

आःया निंतिं च्याम्ह विद्यार्थी नेपालभाषा ब्वनेत तयार जुयाच्वंगु दुसा मेपिं विद्यार्थी थप जुइगु खँय् नेपालभाषा ब्वकेमाल धकाः आन्दोलन याना वयाच्वंपिं विद्यार्थीतय्सं विश्वास याःगु दु । नेपालभाषा ब्वने धकाः आन्दोलन यायेवं क्याम्पस प्रमुख निर्मला सुवाल नेपालभाषा ब्वंकेत सहमत जुयादीगु खः ।

सम्बन्धित बुखँ

LEAVE YOUR COMMENTS