विश्वकप २०१८

ईदबूपाखें थीथी देय्या नेवाः प्रतिनिधिलिसे अन्तक्र्रिया

येँ– विश्व नेवाः दिवसया लसताय् अमेरिकाया टेक्सासं संचालन जुयाच्वंगु ईदबू पाखें अमेरिका, अष्ट्रेलिया, क्यानडा, न्यूजिल्यान्ड, नेपाः, रसिया, इंग्ल्यान्डय् च्वंगु थीथी नेवाः संगठनतय् प्रतिनिधिपिंलिसे अन्तक्र्रिया ज्याझ्वः याःगु दु । ईदबूपाखें लाइभ प्रशारण जूगु ज्याझ्वलय् अन्तर्राष्ट्रिय रुपं जुयाच्वंगु नेवाः गतिविधि बारे खँल्हाबल्हा जूगु खः । अथेहे ज्याझ्वलय् यलया ख्वनाय् फास्ट ट्य्राक दयेकेगु ज्यां स्थानीय नेवाःतय्त वयाच्वंगु समस्यायात कयाः नं सहलह जूगु खः ।

ज्याझ्वलय् क्यानडापाखें उत्तम माकजु, अष्ट्रेलियां दिप्त श्रेष्ठ, रसियां कृष्ण चखुं, अमेरिकां सिजन श्रेष्ठ, बेलायतं शशी महाजु, न्युजिल्यान्डं कमलप्रसाद श्रेष्ठपिंसं ब्वति कयादीगु खः ।

ज्याझ्वः नर्थ अमेरिकाया निंतिं साँस्कृतिक राजदूत बासव राजोपाध्याय व वल्र्ड नेवाः अर्गनाइजेशन युएस च्याप्टरया नायः प्रमेश श्रेष्ठं संचालन यानादीगु खः ।

सम्बन्धित बुखँ

LEAVE YOUR COMMENTS