नासःद्यःया शिलापत्र गायब

येँ – थनया न्हूसतकय् च्वंगु नासःद्यः जीर्णोद्धार यानाः वंगु वालय् तिनि तःगु शिलापत्र म्हिगः गायब जूगु दु । म्हिगः सुथय् सवा १० निसें ११ बजे तकया इलय् छुं मनूत वयाः शिलापत्र लिकया यंकूगु खँ नापसं च्वंगु मनपा बीटय् च्वंपिं कर्मचारीतय्सं धाःगु दु । उम्ह नासःद्यःया लिक्कसं दयेका–च्वंगु महर्जन कम्प्लेक्सपाखें हे भुखाचं जीर्ण जूगु नासःद्यःया देगः कलात्मक शैलीं दयेके बिउगु खः । शिलापत्रय् उल्लेख जुयाच्वंगु छगू मिति संशोधन याये माली धकाः खँ वयाच्वंगुलिं वहे ज्याया लागिं शिलापत्र लिकाः वःगु जुइ धकाः थःपिंसं छुं मधयागु खँ बीटया कर्मचारीतय्सं जानकारी महर्जन कम्प्लेक्सया प्रमुख डा. केशवलाल महर्जनं बियादिल ।

भाजु महर्जनं कनादी कथं नासःद्यःया देगःया लुखाया च्वं तयातःगु त्वानासिँ नं खुया यंकातःगु दु । लिसें लुखाया अन्ट्राप नं स्यंकातःगु दुसा खापाया बुट्टा नं अप्पां छ्यानाः क्षति यानातःगु दु । थ्व ज्या सुनां व गबले याःगु धइगु खँ धाःसा सी मदुनि । थुकिया बारे जनसेवा प्रहरीं रिपोर्ट बीधुनागु खँ वय्कलं कनादिल । भुखाचं क्षति जूगु उगु देगः कम्प्लेक्सपाखें पुरातत्व विभाग व मनपाया स्वीकृति कयाः १५ लाख तका खर्च यानाः दयेके बिउगु खः ।

सम्बन्धित बुखँ

LEAVE YOUR COMMENTS