विश्वकप २०१८

द्यः जागे जुया वइगु फुसिंख्यःया (मनमैजु) जात्रा (फाेटाेफिचर)

येँ– फुसिंख्यः (मनमैजु)इ इन्द्रायणी द्यःया जात्रा न्ह्यानाच्वंगु दु । फुसिंख्यः जात्राया थौं मू न्हि कुन्हु द्यःखः जात्रा जुयाच्वंगु दु । जात्रा म्हिगः छ्वयलाबू यानाः न्ह्याःगु खःसा कंस तक न्ह्याइ ।

थुगुसी जात्राया निंतिं अजिमा जुयाः भाजु रविन महर्जन पिहां झाःगु खः । वय्कः थगुने निसें अजिमा जुयाः पिहां झाःगु खः । अजिमा द्यः जुइम्ह द्यःया शक्तिं थःथम्हं दनावइगु खँ स्थानीयपिंसं धाःगु दु । भाजु महर्जनयाके थगुने इन्द्रायणी अजिमा जागे जुया वयेधुंकाः थगुने निसें वय्कः अजिमा जुयाः पिहां झाःगु खः । अजिमा जुइम्हेसिनं जामा सिनाः अजिमा द्यःया पात्र ज्वनाः पुजा फंफं द्यःखः न्ह्यःने न्ह्यःने बिज्याइ । अजिमा जुइम्हेसिया पात्रय् द्यःजात्रा जूगु लँपुइ स्थानीयपिंसं समय्बजि छायाः पुज्यायेगु याइ । द्यः जुयाबिज्याःम्ह लिगिलिग खानावइ ।

द्यःखः जात्राय् गणेद्यः हे न्ह्यलुवाः जुयाः जात्रा न्ह्याइ । गणेद्यःयात गुथिया थाकुलिं ज्वनाः वइ । गणेद्यःयात नं थाय्थासय् समय् तयाः पुजा बीगु याइ ।
द्यःखः जात्रा थौं न्हिछियंकं न्ह्याइ । म्हीग द्यःछेँ नं गमय् तयेयंकीगु द्यःयात थौं पीठं ल्ह्वनाः जात्रा न्ह्याकूगु खः । पीठं द्यः ल्ह्वना हयेधुंकल धायेवं द्यःखःयात गनं दिके मजिउ । द्यः कुबियाः हे पुजा फयेगु याइ । थौं जात्रा क्वचायेवं द्यःछेँय् यंकाः द्यःखः दिकीसा कंसं हाकनं द्यःछेँ नं द्यः थनाः जात्रा याइ ।

द्यःखःया न्ह्यःने कुमारीया लिसें मेमेगु द्यःया नं पात्र मस्तय्सं कुबिया हःगु खः । न्हापा न्हापा थ्व पात्र नं अजिमा द्यःया पात्र थें मनुखं हे ज्वनाः वइगु खः । तर थ्व पात्र ज्वनीपिं द्यः दनामवःगुलिं कुबियाः हःगु खँ धाःगु दु ।

 

सम्बन्धित बुखँ

LEAVE YOUR COMMENTS