नांजाःम्ह सितार वादक वैद्य मंत ।

येँ– नांजाःम्ह सितार वादक विजय वैद्य मंत । छगू इलय् नेपाःया हे नांजाःगु सांगीतिक पुचः ‘सुर सुधा’ लिसे आवद्ध जुयाच्वनादीम्ह वरिष्ठ सितार वादक वैद्य म्हिगः सनिलय् मदुगु खः ।
सुर सुधा त्वःते धुंकाः वय्कलं थःगु हे कुतलय् थीथी थासय् सितार वादनया प्रस्तुति बिया वयाच्वनादीगु खः ।
वंगु छु ई न्ह्यः जक म्हं मफयाः बीपी स्मृति अस्पताल बसुन्धराय् भर्ना याःगु खः । थनिं प्यदँ न्ह्यः वय्कःया निमोनिया जूगु खःसा ताःई न्ह्यवंनिसें म्हं मफयाच्वंम्ह खः । बीपी अस्पतालय् वासः याकूसां उसाँय् बांलाः मजुइवं वय्कःयात शिक्षण अस्पताल यंकूगु खः ।
वय्कःया अन्तिम संस्कार पशुपति आर्यघाटय् जूगु दु ।

सम्बन्धित बुखँ

LEAVE YOUR COMMENTS