विश्वकप २०१८

माइतीघर धर्नाय् लाठीचार्ज, च्याम्ह घाःपाः, प्रहरी गाडी तोडफोड

गैरकानुनी सतक विस्तार विरुद्ध माइतीघर मण्डल धर्ना च्वनाच्वंपिंत प्रहरीं लाठी चार्ज याःगु दु । लाठी चार्जय् लानाः च्याम्हति घाःपाः जूगु दु । प्रहरीं लाठीचार्ज यायेवं धर्नाकर्तातय्सं प्रहरीया गाडीइ अप्पां कयेकाः न्हाय्कं तछ्यानाबिउगु दु ।

प्रहरीं धर्ना च्वनाच्वंपिं सुमन साय्मिलिसें मेपिं प्यम्ह न्याम्हेसित ज्वनाय् भ्यानय् तःगु खःसां धर्नाकर्तातय्सं गाडीइ हे घेराबन्दी यानाः गाडी न्ह्याकेमबिल । गाडी न्ह्याकेमफयेवं उमित हाकनं त्वःतूगु दु ।

धर्नाया झ्वलय् घुसपैठ नं जूगु खः । धर्नाय् च्वनाच्वंपिंत अप्पां कयेकूम्ह छम्हेसित धर्नाकर्तातय्सं ज्वनाः प्रहरीयात बुझे याःगु दु ।
धर्नाकर्तातय्सं पुतला नं च्याकूगु दु । धर्नाय् तःधंगु ल्याखय् मनूत थ्यनाच्वंगु दु । धर्नां यानाः माइतीघरया सतक पूवंक हे बन्द जुइधुंकूगु दु ।

सम्बन्धित बुखँ

LEAVE YOUR COMMENTS