द्यःयात थें खः क्वबियाः ज्याःजंक्व

येँ – मोरंगया उर्लावारीइ ७७ दँ पुलेधुंकूपिं स्थानीय ज्याथजिथिपिंत द्यःयात थें खतय् तयाः देय्चाःहीकाः ज्याःजंक्व याःगु दु । स्थानीय ज्याथ भैरवबहादुर श्रेष्ठ व वय्कःया जहान मय्जु सत्यलक्ष्मी श्रेष्ठयात खतय् तयाः क्वबियाः चाःहीकूगु खः ।
वय्कःपिं नेवाः देय् दबू उर्लावारी कचाया न्वकु भाजु मणिलाल श्रेष्ठया मांअबुपिं खः । थ्व वय्कःपिनि न्हापांगु जंक्व खः ।
नेवाः कोशी अञ्चलय् थीथी कारणं च्वनाच्वंपिं थ्व नेवाः समाजय् उगु लागाय् न्हापांखुसि थुकथंया ज्याजंक्व जूगु खँ नेवाः देय् दबूया नायः नरेश ताम्रकारं कनादिल । येँनं वनाः अन गुभाजु तालिम बिउगु इलय् तालिम प्राप्त यानाः गुभाजु जुयादीम्ह पुरोहित कुमार श्रेष्ठ लगायतया पुचलं उगु सांस्कृतिक पर्व कथं ज्याजंक्व याकूगु खः । स्वनिगलय् जूसा खःयात सालाः ज्याजंक्व याइगु खःसा अन खःयात द्यःखः थें क्वबियाः ज्याःजंक्व याःगु खः ।

सम्बन्धित बुखँ

LEAVE YOUR COMMENTS