विश्वकप २०१८

‘विमानस्थल २४ घौं सञ्चालनय् हयेगु जुइ’

येँ – संस्कृति पर्यटन तथा नागरिक उड्डयन मन्त्री रवीन्द्र अधिकारी त्रिभुवन अन्तर्राष्ट्रिय विमानस्थलयात २४ घौं सञ्चालनय् हयेगु घोषणा यानादीगु दु । रिपोर्टर्स क्लबं ग्वसाः ग्वःगु ज्याझ्वलय् वय्कलं एयर ट्राफिक जाम म्हो यायेगु निंतिं विमानस्थलया क्षमता अप्वयेकाः सञ्चालन ई तनेगु खँ कनादीगु दु । ‘सिङ्गल रन वे जूसां नं २४ घौं सञ्चालन यायेफइ । संसारय् छ्यलाच्वंगु फुऽं कथंया प्रविधि छ्यलाः व्यवस्थापन यायेफइ । वंगु इलय् सञ्चालन ई तने फइमखु धाःपिंसं नं आः स्वघौं ई तने फइगु खँ धयाच्वंगु दु । कुतः यात धाःसा निप्यघौं सञ्चालन यायेफइ ।’ वय्कलं न्ह्यःने धयादी, बम्बइलय् छगू रन वे दुगु विमानस्थल २४ घौं चले यायेफइसा थन छाय् चले यायेमफइ ?’ मन्त्री अधिकारी सञ्चालन यायेगु ई अप्वयेकाः आः जुयाच्वंगु एयर ट्राफिकया समस्या म्हो जुइगु दावी नं यानादीगु दु । विमानस्थलया सञ्चालन ई अप्वयेकेवं शहरया चहलपहल नं अप्वइगु व उकिं पर्यटन व्यवसाय थप तिबः जुइगु वय्कःया धापू दु ।

सम्बन्धित बुखँ

LEAVE YOUR COMMENTS