विश्वकप २०१८

गनं नं लोडसेडिङ जूगु मदु

येँ – देय्या गुगुं थासय् लोडसेडिङ मजूगु खँ नेपाल विद्युत प्राधिकरणं धाःगु दु । औद्योगिक करिडोरय् छुं ई लोडसेडिङ जुयाच्वंगु खँ धासें प्राविधिक समस्यायात लोडसेडिङ कथं मकायेत नं प्राधिकरणं धाःगु दु ।प्राविधिक समस्याया हुनिं मत सीगुयात लोडसेडिङ धाये मिले मजूगु स्पष्ट यासें प्राधिकरणं मत आपूर्तिया ल्याखँ गनं नं समस्या मजूगु खँ धाःगु दु । स्वनिगः लगायत देय्या गुगुं नं थासय् लोडसेडिङ यायेमाःगु अवस्था मदुगु जानकारी बिसें प्राधिरकणं औद्योगिक करिडोरय् न्हिं स्वघौं लोडसेडिङ जूसां नं घरायसी ग्राहकयात पूर्ण रुपय् मत आपूर्ति जुयाच्वंगु खँ नं धाःगु दु ।प्राधिकरणया कार्यकारी निर्देशक कुलमान घिसिङं धयादिल, ‘प्रणालीइ वइगु सामान्य गडबडीं छुं ई मत वनेवं उकियात लोडसेडिङया रुपय् थुइकेमजिउ ।’

वाफसं प्रसारण लाइन व वितरण प्रणालीइ सामान्य गडबडी जुयाः मत आपूर्तिइ समस्या जुइगु व वंगु इलय् नं थज्याःगु अवस्था दुगु वय्कःया धापू दु । वंगु इलय् लगातार लोडसेडिङ जुयाच्वंगुलिं अज्याःगु समस्या म्हो जक सार्वजनिक जुयाच्वंगु न्ह्यथँसें प्राधिकरणं अज्याःगु प्राविधिक समस्या ज्यंकेगु निंतिं देय्न्यंकं कर्मचारीया पुचः निप्यघौं हे तयारी अवस्थाय् तयातयाःगु जानकारी नं बिउगु दु । प्राधिकरणं मत आपूर्तियात विश्वसनीय व धिसिलाकेत प्रसारण प्रणालीयात अझ व्यवस्थित व प्रभावकारी दयेकाच्वनागु जानकारी नं याकूगु दु ।

सम्बन्धित बुखँ

LEAVE YOUR COMMENTS