असहायया छेँ प्राधिकरणं दना बीगु

येँ (नेपालभाषा टाइम्स) – राष्ट्रिय पुनर्निर्माण प्राधिकरणं भुखाचय् थःथितिपिनि मृत्यु जुयाः याकःचा जूपिं ७५ दँ स्वयां च्वय्यापिं वृद्धवृद्धा, ६० दँ स्वयां च्वय्यापिं याकः मिसा व १५ दँ स्वयां क्वय्यापिं मस्तय्गु पूर्ण विवरण थ्वहे पुस महिना दुने छ्वया हयेत आह्वान याःगु दु । अभिभावक सिनाः अलपत्र जूपिं थुमिगु लागिं प्राधिकरण थम्हं हे छेँ दना बीगु ग्वसाः जुयाच्वंगु दु । उकिं उमिगु विवरण याकनं छ्वया हयेत आह्वान याःगु खः ।
अथे हे छेँ दनेत सरकारं बीगु न्हापांगु किस्ताया दां कायेधुंकूपिं भुखाय् पीडिततय्सं निगूगु किस्ताया लागिं थौं तकया दुने दावी यायेत नं सूचित याःगु दु । न्हापांगु किस्ताया ध्यबा यंकाः छेँ दनेगु झ्वलय् डीपीसी तक सिधयेके धुंकूपिंसं जक निगूगु किस्ताया लागिं दावी याये फइगु खँ धाःगु दु ।

सम्बन्धित बुखँ

LEAVE YOUR COMMENTS