हनुमानध्वाखांनिसें स्वयम्भू तक सम्पदा मार्ग

येँ – येँया हनुमानध्वाखा दरवार क्षेत्रं स्वयम्भू तक ‘सम्पदा मार्ग’ दयेकेमाःगु खँय् बः बिउगु दु । कामपा–१५ वडां ग्वसाः ग्वःगु अन्तक्र्रियाय् विश्व सम्पदा क्षेत्रय् सूचीकृत निगुलिं सम्पदास्थलया दूरी थ्यंमथ्यं निगू किलोमिटर जक दुगुलिं उगु सञ्जालयात ‘सम्पदा मार्ग’ या रुपय् विकास यायेमाःगु सुझाव बिउगु खः । सांसद जीवनराम श्रेष्ठं विश्व सम्पदास्थलंनिसें विश्व सम्पदास्थल तकाया यात्रायात व्यवस्थित याये फःसा विश्वय् न्हूगु प्रयोग जुइगु खँ कनादिसें अनया संरचना परम्परागत शैलीइ दयेकेमाःगु खँय् बः बियादिल । वय्कलं उगु क्षेत्रया सम्पदास्थलया संरक्षण व प्रवद्र्धनया निंतिं उगु योजना महत्वपूर्ण जुइगु व देशय् दुगु थीथी सम्पदायात अन्तर्राष्ट्रिय तहलय् प्रवद्र्धन यायेत ग्वाहालि जुइगु खँ नं कनादिल । १५ वडाया अध्यक्ष ईश्वरमान डंगोलं देय्या सम्पदायात प्रचारप्रसार यायेत जनस्तरं विशेष भूमिका म्हिताच्वंगु खँ कसें ‘सम्पदा मार्ग’ या अवधारणायात सफल यायेमाःगु खँ कनादिल ।

सम्बन्धित बुखँ

LEAVE YOUR COMMENTS