दकलय्मध्ये लोकप्रिय

बलिउडया सेलिब्रिटीतय् लोकप्रियता बलिउडय् जक सीमित मजू । इमिगु लोकप्रियता विश्वन्यंकं हे जू धइगु लिपांगु दसु खः, बलिउड नायिका क्याट्रिना कैफ । थुम्ह नायिकाया प्रशंसक वा फ्यान फलोइङ भारतय् जक सीमित मजू । क्याट्रिनाया लोकप्रिया भारत बाहेकं विश्वया आपालं देशय् नं उतिकं दु धइगु छगू सर्वेक्षणं क्यंगु दु । छुं छुं देशय् याःगु छगू सर्वेक्षणं बलिउड नायिका क्याट्रिनाया लोकप्रियता बलिउडया हे मेमेपिं नायिका स्वयां अग्रपंक्तिइ लाःगु दु । क्याट्रिनां बलिउडया सर्वाधिक लोकप्रिय धयातःपिं थः समकक्षी नायिका दीपिका पादुकोण व प्रियंका चोपडायात तकं लिउने लाकाः थःगु थाय् सुरक्षित यानातयेत सफल जूगु दु । फिल्म क्षेत्रय् अभिनयया ल्याखं धायेगु खःसा दीपिका व प्रियंका निम्हेसिनं हलिउडया यात्रा तकं यायेधुंकूगु दु । अय्नं इपिं निम्हं क्याट्रिना स्वयां लोकप्रियताया खँय् लिउने लाःगु दु ।थुगु तथ्य बलिउड व क्षेत्रीय फिल्मया निंतिं भिडियो अन डिमान्ड स्ट्रिमिंग प्लेटफार्मं अध्ययन यानाः पिकाःगु खः ।

सम्बन्धित बुखँ

LEAVE YOUR COMMENTS