ल्वहं कुतुंवयाः माइक्रोबसया चालक सित

येँ – नारायणगढ मुग्लिन सडकखण्डय् लाःगु इच्छाकामना गाउँपालिका ६ या २ नम्बर ताँ लिक्कसं सुख्खा चलः वयाः ल्वहं कुतुं वयेवं छगः माइक्रोबसया चालक सीगु दु ।

शुक्रवाः सनिलय् पौन ५ बजे पाखे कुतुं वःगु ल्वहं येँ नं नारायणगढपाखे वनाच्वगु बा २ ख ५४४९नं.या माइक्रोबसय् लाःगु खः । माइक्रोबसया न्ह्यःने लाःगु थ्व ल्वहंत कयाः माइक्रोबसया चालक दीपक रुम्बा मदुगु खँ प्रहरीं धाःगु दु ।

चितवनया डिएसपी प्रभूप्रसाद ढकालया कथं ल्वहंतं लाःम्ह चालक गम्भीर घाःपाः जुइवं वयात उपचारयानिंतिं भरतपुर अस्पताल यंकाच्वंगु इलय् लँय्सं मदुगु खः । कुतुं वःगु ल्वहं माइक्रोबसया न्ह्यःने जक लाःगुलिं मेपिं यात्रुतय्त धाःसा छुं मजूगु खँ धाःगु दु ।

सम्बन्धित बुखँ

LEAVE YOUR COMMENTS