विश्वकप २०१८

सांसद जीवनराम श्रेष्ठया नेतृत्वय् विश्व सम्पदा उत्सव मूल समारोह समिति

येँ – प्रतिनिधि सभा सांसद जीवनराम श्रेष्ठया संयोजकत्वय् विश्व सम्पदा उत्सव मूल समारोह समिति गठन याःगु दु । वइगु वैशाख ५ गते न्यायेकीगु विश्व सम्पदा दिवसया झ्वलय् थीथी रचनात्मक ज्या यायेगु निंतिं जनस्तरं समिति गठन याःगु खः ।

समितिया सहसंयोजक येँ महानगरपालिकाया मेयर विद्यासुन्दर शाक्य जुयादीगु दु । अथेहे सचिव डिल्लीरत्न तुलाधर व कोषाध्यक्ष विन्देश्वर श्रेष्ठ च्वनादीगु दु । अथेहे समितिया संचार संयोजक भीमसेन राजवाहक जुयादीगु दु । समितिइ प्रतिनिधि सभाया सांसद रामवीर मानन्धर व प्रदेश सभा सांसदपिं राजेश शाक्य व बसन्त मानन्धर नं दुजः कथं च्वनादीगु दु ।

संयोजक श्रेष्ठं देय्या थीथी सम्पदायात अन्तर्राष्ट्रिय ख्यलय् प्रवद्र्धन यायेगु निंतिं समितिं भूमिका म्हितीगु खँ धयादीगु दु । अथेहे येँया बसन्तपू निसें स्वयम्भू तकया सम्पदास्थल संरक्षण व प्रवद्र्धनया निंतिं नं समितिं ज्या याइ धाःगु दु । बसन्तपू निसें स्वयम्भूकया लँपुयात सम्पदा मार्ग कथं प्रवद्र्धन यायेगु निंतिं कुतः जुयाच्वंगु दु ।

सम्बन्धित बुखँ

LEAVE YOUR COMMENTS