स्वरुप स्यंकाः चले याःगु मोटरसाइकल नियन्त्रणय्

येँ – महानगरीय ट्राफिक प्रहरी महाशाखां स्वरुप स्यंकाः चले याःगु मोटरसाइकल नियन्त्रणय् काःगु दु । महाशाखां खटे जूगु ट्राफिक प्रहरीं स्वरुप स्यंकाः व हिइकाः चले याःगु सछि व झिगः मोटरसाइकल नियन्त्रणय् काःगु खः । महाशाखापाखें खटे जुया वंगु पुचलं स्वरुप स्यंकाः मोटरसाइकलया सः तसः जुइक चले याःगु ११० बुलेट मोटरसाइकलया नियन्त्रणय् काःगु खः । महाशाखाया प्रमुख सर्वेन्द्र खनालया कथं तसः जुइगु कोलाहल न्यंकाः चले याइगु सवारी साधनयात कारवाहीया निंतिं विशेष अभियान न्ह्याकागु धासें सवारी साधनया सः तसः यानाः मुक्कं सतक हे थःगु हे थें जक याना जुइपिंत नियन्त्रणय् कयाः कारवाही न्ह्याका धयादिल । महाशाखां उकथं मोटरसाइकलया स्वरुप स्यंकाः वा हिइकाः चले याइपिंत नियन्त्रणय् कायेगु अभियानयात न्ह्याकाच्वनेगु जानकारी बिउगु दु ।

सम्बन्धित बुखँ

LEAVE YOUR COMMENTS