नक्कली स्टिकर छापे याःगु भारतीय कम्पनी छानविनय्

येँ – अय्लाःया सिसीया पुसाय् तिकीगु राजश्वया नक्कली स्टिकर छापे याःगु भारतया छगू कम्पनीयात छानविनया दायराय् हयेगु कुतः जुयाच्वंगु खँ आन्तरिक राजश्व कार्यालय वीरगञ्जं धाःगु दु । नक्कली स्टिकर प्रकरणय् ज्वंपिं थीथी मनूतय्त थीथी चरणय् बयान कायेगु ज्या जुयाच्वंगु धासें प्रमुख कर अधिकृत गोपीकृष्ण कोइरालां धयादिल ‘नक्कली स्टिकर छापे याइगु उगु कम्पनीया नां सार्वजनिक यात धाःसा सतर्क जुइफइगु जुयाः नां गोप्य तयातयागु खः ।’वंगु भदौ १४ गते राजधानीया हरिओम टे«डिङ प्रालिं भारतया कोलकोतां थ्यंमथ्यं ३ करोड ८६ लाख तका बराबरया ८६ हजार ४७० थान नक्कली स्टिकर वीरगञ्ज भन्सारया वैधानिक च्यानलं नेपाः दुतहःगु इलय् ज्वंगु खः ।

आन्तरिक राजश्व विभागं अप्वः धयाथें ग्लोबल टेन्डर यानाः इन्डोनेसियां अय्लाःया सिसीइ तयेगु स्टिकर छापे यायेगु याना वयाच्वंगु खः । थुगुसी दकलय् न्हापांखुसीं भारतया कोलकोताय् छापे याःगु लुइकूगु खः । भारतय् गुगुं नं कथंया स्टिकर छापे याकेगु ज्या मजूगुलिं उगु स्टिकर नक्कली जूगु खँ राजश्व कार्यालयं धाःगु दु । उगु स्टिकर बजारय् वंगु खःसा सरकारयात ४ करोड तका राजश्व घाटा जुइगु खँ धाःगु दु ।

सम्बन्धित बुखँ

LEAVE YOUR COMMENTS