स्वनिगःया निजी आवास पुनःनिर्माणय् तीव्रता बीगु

येँ – राष्ट्रिय पुनःनिर्माण प्राधिकरणं स्वनिगलय् जुयाच्वंगु निजी आवास पुनःनिर्माणयात तीव्रता बीगु जूगु दु । २०७२ साल तःभुखाचं क्षति जूगु स्वनिगःया निजी आवास निर्माण सुस्त गति जुयाच्वंगु धासें आः उकियात तीव्रता बीत मातहतया निकाययात निर्देशन बिउगु दु । प्राधिकरणया प्रमुख कार्यकारी निर्देशक युवराज भुसालं सहरी विकास मन्त्रालय व संघीय मामिला तथा सामन्य प्रशासन मन्त्रालय अन्तर्गतया केन्द्रीय आयोजना कार्यान्वयन ईकाइ प्रमुखसहित स्वनिगःया स्वंगुलिं जिल्लाया सहरी विकास तथा भवन निर्माण डिभिजन ज्याकू, प्राधिकरणलिसें निकायया प्रमुखलिसें जूगु बैठकय् स्वनिगःया निजी आवास पुनःनिर्माणत गति बीकथं ज्या यायेत निर्देशन बियादीगु खः ।पुनःनिर्माणय् वयाच्वंगु समस्या ज्यंकेत प्राधिकरण तयार दु धासें लिच्वः पिहां वइकथं ज्या यायेत कर्मचारीतय्त निर्देशन बियादीगु खः । बैठकय् सहुलियत त्यासा प्रवाहय् जुयाच्वंगु ढिलासुस्ती व जग्गासम्बन्धी समस्याया कारणं छेँ दने मफयाच्वंगु थेंज्याःगु सम्बन्धय् नं यक्वसिनं जानकारी बिउगु खः ।

सम्बन्धित बुखँ

LEAVE YOUR COMMENTS