विश्वकप २०१८

सछिन्हुया दुने खने दयेक ज्या

येँ – सछिन्हु दुने ३ नम्बर प्रदेशय् खने दइगु ज्या यायेगु कथं तयारी जुयाच्वंगु खँ धाःगु दु । उकिया निंतिं आर्थिक मामिला व योजना मन्त्रालयं थीथी विज्ञपिं लिसें सहलह न्ह्याकाच्वंगु दु । केन्द्रीय सरकारं छ्वयाहःगु ध्यबां जनतां प्रत्यक्ष रुपं खनेदइगु कथं ज्या यायेगु तयारी यानाच्वंगु दु । मन्त्रालयं १३ गू जिल्ला मध्ये छगू जिल्लाय् नमूना जुइ कथं विकास यायेगु खँ धाःगु दु ।
केन्द्रीय सरकारं प्रदेशया विकास निर्माणया निंतिं १ अर्ब २ करोड ५० लाख तका छ्वयाहःगु बजेट मध्ये प्रशासनिक खर्च कटे यानाः ल्यं दुगु ध्यबां खनेदइ कथंया ज्या यायेगु निंतिं विज्ञ पुचःलिसे सहलह जुयाच्वंगु खँ आर्थिक व योजना मन्त्री कैलाश ढुंगानां कनादीगु दु । केन्द्रीय सरकारं छ्वयाहःगु बछि ध्यबा प्रशासनिक खर्च जुइगु व मेगु मगाःगु ध्यबा केन्द्रीय सरकारयाके फ्वनेगु योजना दयेकाच्वनागु खँ नं वय्कलं कनादिल । वय्कलं न्ह्यःने धयादी, ‘प्रदेशयात गुकथं समृद्ध दयेके फइ धकाः आः सछिन्हुया योजना दयेकेगु ज्या जुयाच्वंगु दु, आः प्रदेशय् विज्ञ सहितया पुचः सःताः पर्यटन, हाइड्रो व कृषिया सम्भाव्यता बारे सहलह जुयाच्वंगु दु ।’

सम्बन्धित बुखँ

LEAVE YOUR COMMENTS