विश्वकप २०१८

विद्युत प्राधिकरणं नं आईपीओ निष्काशन याइगु

येँ – नेपाल विद्युत प्राधिकरणं साधारण शेयर (आईपीओ) निष्काशन यायेगु तयारी याःगु दु । प्राधिकरणं २५ प्रतिशत तक साधारण शेयर निष्काशन यायेगु तयारी यानाच्वंगु खः । २९ अर्ब संचित नोक्सानय् दुगु प्राधिकरणं नाफाघाटा बराबरीइ हयेधुंकाः आईपीओ निष्काशन यायेत्यंगु खः । म्हिगः ऊर्जा, जलस्रोत मन्त्री वर्षमान पुन ‘अनन्त’ यात प्राधिकरणया गतिविधिया बारे जानकारी बिसें प्राधिकरणया कार्यकारी निर्देशक कुलमान घिसिङं उगु जानकारी बियादीगु खः ।
आईपीओ निष्काशन यायेगु निंतिं दकलय् न्हापां संचिति नोक्सानयात अपलेखन यायेमाःगु खँ धाःगु दु । संचिति नोक्सान अपलेखन जुइवं आईपीओ निष्काशन यायेगु तयारी जुयाच्वंगु दु । जलविद्युत क्षेत्रय् सर्वसाधारण जनताया लगानी याकेगु निंतिं लगानी खुला यायेमाःगु दावी घिसिङं यानादीगु खः । निर्देशक घिसिङं चालु आर्थिक दँ निसें प्राधिकरण नाफाय् वनीगु खँ कनादिसें देय् लोडसेडिङ मुक्त जूगु जानकारी नं मन्त्री पुनयात याकादीगु खः ।

प्राधिकरण अन्तर्गतया अपर तामाकोशी हाइड्रो पावर, सान्जेन जलविद्युत कम्पनी, रसुवागढी हाइड्रो पावर कम्पनी, चिलिमे हाइड्रोपावर कम्पनीं सर्वसाधारणया निंतिं आईपीओ निष्काशन यायेधुंकूगु दु । थुगु कम्पनीइ विद्युत प्राधिकरणं २५ अर्ब तका शेयर लगानी यायेधुंकूगु दु ।निर्देशक घिसिङ जलविद्युत क्षेत्रय् विदेशी त्यासाया ब्याजदर अप्वःगु धासें उकियात म्हो यायेमाःगु माग नं यानादीगु दु । थौंकन्हय् वैदेशिक ऋणया ब्याजदर ८ प्रतिशत थ्यनाच्वंगु दुसा उकियात म्हो यानाः ५ प्रतिशतय् थ्यंकेमाःगु माग वय्कलं यानादीगु खः ।

सम्बन्धित बुखँ

LEAVE YOUR COMMENTS