जनप्रतिनिधि व कर्मचारी थवंथवय् परिपूरक जुइमाः

येँ – येँ महानगरपालिकाया प्रमुख विद्यासुन्दर शाक्यं निर्वाचित जनप्रतिनिधि व महानगरपालिकाया कर्मचारी थवंथवय् परिपूरक जुइमाःगु खँ धयादीगु दु । महानगर प्रमुख शाक्यं स्थानीय तहया निर्वाचन लिपा येँ महानगरपालिकाय् निर्वाचित जुया वःपिं जनप्रतिनिधि व कर्मचारी दथुया स्वापू अतकिं आत्मीय नापं परिपूरक जुइमाःगु खँय् नं बः बियादीगु दु ।
महानगरपालिका इन्जिनियर, लेखा प्रमुख लिसें महानगरपालिका अन्तर्गतया वडा ज्याकुथिइ खटे जुया वनाच्वंपिं वडासचिवया निंतिं ग्वसाः ग्वःगु सार्वजनिक सेवा प्रवाहरय् एकरुपता विषयय जूगु छगू अभिमुखीकरण ज्याझ्वलय् नवासें वय्कलं उगु खँ धयादीगु खः ।

निन्हुयंकं जूगु ज्याझ्वःया समापन यासें महानगर प्रमुख शाक्यं स्थानीय सरकारया सशक्त व प्रभावकारी उपस्थिति जूसा जक स्थानीय लोकतन्त्र नं सशक्त जुइ धासें समूहगत रुपं ज्या यायेगु व थःगु ज्याप्रति लगनशील, इमान्दार जुयाः ज्यायेत इनाप यासें नागरिकयात सहज रुपं सेवा प्रवाह यायेमाःगु खँय् बः बियादीगु दु ।समापन ज्याझ्वलय् महानगर उपप्रमुख हरिप्रभा खड्गी श्रेष्ठं थः स्वार्थयात स्वयाः क्षणिक ईया निंतिं लाभ कायेत स्वइपिंसं वडावासी व नागरिकयात बांलाक व सहजरुपं सेवा प्रवाह याये फइमखु धयादिल ।अभिमखीकरण ज्याझ्वलय् येँ महानगरपालिकाया ३२ गुलिं वडायात निगू ब्वय् ब्वथलाः जूगु ज्याझ्वलय् न्हापांगु न्हि वडा नं. १ निसें १६ व निन्हुया न्हिकुन्हु १७ निसें ३२ वडाया कर्मचारीतय् सहभागिता दुगु खः । थुकथंया हे तालिम वडासदस्यय् निर्वाचित जुयादीपिंत नं बीगु महानगरपालिकां न्ह्यथंगु दु ।

सम्बन्धित बुखँ

LEAVE YOUR COMMENTS