सरकारय् वनेत ससंफोय् अलमल

येँ -संघीय समाजवादी फोरमं संविधान संशोधनया सहमतिइ थप ब्याख्या यायेमाःगु माग याःगु दु । राजनीतिक विषयसं लिखित सहमति लिपा जक मन्त्री ल्ययेगु खँ फोरमं धाःगु दु । फोरम पदाधिकारीपिनिगु सोमवाः च्वंगु बैठकय् सत्तारुढ एमाले व माओवादीलिसें शीर्ष तहलय् वार्ता यायेगु निर्णय याःगु दु । ‘आवश्यकता व औचित्यया आधारय् संविधान संशोधन यायेगु सैद्धान्तिक सहमति जूगु दु’ फोरमया छम्ह नेतां धयादीगु दु, ‘तर, जिमिसं थप ब्याख्या खोजे यानागु दु ।’

सूत्रया कथं पार्टीया सहअध्यक्षयात सरकारय् मछ्वयेगु कथं सरकारय् वनेगु ज्या लिबाकाच्वंगु अनुमान नं याना हःगु दु । पार्टी दुने अध्यक्ष व सहअध्यक्ष निम्हं छक्वलं सरकारय् वने दइमखु धकाः नेतातय्सं दवाव बियाच्वंगुलिं नं सरकारय् सहभागी जुइगु ज्या लिबानाच्वंगु खँ धाःगु दु । लिसें सहमतिया आधारय् जक सरकारय् वन धाःसा मन्त्री जुइ मखंपिंसं पार्टी दुने विरोध याइगु अवस्था दुगुलिं यानाः सरकारय् ब्वति कायेत लिबानाच्वंगु खँ धाःगु दु ।

तत्काल सरकारय् वन धाःसा मेगु मधेशी दलं मुद्दा त्वःताः सरकारय् वंगु द्वपं बी फइगु ग्याःचिकुं यानाः नं संविधान संशोधनया थप ब्याख्या मालाच्वंगु खँ धाःगु दु ।
फोरमं संविधानया धारा २७४ संशोधन यायेमाः धकाः माग याना वयाच्वंगु खःसा उकियात कयाः स्वंगू दल दथुइ सहमति जुइधुंकूगु दु । तर, सरकारय् दुथ्याःगु पक्षं लिपा धोका बीगु खः ला धइगु ग्याः चिकुं यानाः नं सरकार तत्काल सरकारय् वनेत थाकुया च्वंगु खँ सूत्रं धाःगु दु ।

सम्बन्धित बुखँ

LEAVE YOUR COMMENTS