मन्त्रिपरिषद विस्तार, फोरमया निंतिं मन्त्रालय खाली

येँ – प्रधानमन्त्री केपी ओलीं झिंछम्ह मन्त्री व प्यम्ह राज्यमन्त्री सहित मन्त्रिपरिषद विस्तार याःगु दु । संघीय समाजवादी फोरम नं सरकारय् वनीगु धाःसा शुक्रवाः जूगु विस्तारय् धाःसा फोरम दुमथ्यात । अय्नं फोरमया निंतिं निगू मन्त्रालय धाःसा खाली यानातःगु दु ।

न्हूपिं मन्त्रीपिंसं थौं हे राष्ट्रपति ज्याकुथिइ पद तथा गोपनीयताया शपथ काःगु खः । आः प्रधानमन्त्री ओलीया मन्त्रिपरिषद २२ सदस्य जूगु दु । थुकी एमालेपाखें झिंस्वम्ह व माओवादी केन्द्रपाखें च्याम्ह थ्यंगु दु ।

संघीय समाजवादी फोरमयात बीगु निंतिं स्वास्थ्य तथा जनसंख्या मन्त्रालय व सहरी विकास मन्त्रालय आःयात प्रधानमन्त्री ओलीं हे कयातःगु दु । फोरमयात निगू मन्त्री व छगू राज्यमन्त्री बीगु सहमति जुयाच्वंगु दु । थ्व सहमति कथं मन्त्री जुल धाःसा २५ सदस्यीय मन्त्रिमण्डल जुइ । संघीय संविधान कथं केन्द्र सरकारय् २५ म्ह तक जक मन्त्री दयेकेदइ ।

मन्त्रिपरिषद विस्तार लिपा लालबाबु पण्डितया मन्त्रालय धाःसा हेरफेर जूगु दु । वातावरण तथा जनसंख्या मन्त्री जुयाच्वंम्ह पण्डित आः संघीय मामिला तथा सामान्य प्रशासन मन्त्री जूगु दु ।

मन्त्रिपरिषद् विस्तारया निंतिं स्वंगू मन्त्रालय तछ्यानाः स्वंगू मन्त्रालय थप याःगु खः ।
शुक्रवाः मन्त्री जूपिं

प्रदीपकुमार ज्ञवाली परराष्ट्र (एमाले)
वर्षमान पुन ऊर्जा, जलस्रोत तथा सिँचाइ (माओवादी)
गिरिराजमणि पोखरेल शिक्षा, विज्ञान तथा प्रविधि (माओवादी)
रघुवीर महासेठ भौतिक पूर्वाधार तथा यातायात (एमाले)
गोकर्णराज विष्ट श्रम, रोजगार तथा सामाजिक सुरक्षा (एमाले)
शक्तिबहादुर बस्नेत वन तथा वातावरण (माओवादी)
जगतबहादुर सुनार ९विश्वकर्मा० युवा तथा खेलकुद (एमाले)
रवीन्द्रप्रसाद अधिकारी संस्कृति, पर्यटन तथा नागरिक उड्डयन (एमाले)
शेरबहादुर तामाङ कानुन,न्याय तथा संसदीय मामिला (एमाले)
चक्रपाणि खनाल कृषि, भूमि व्यवस्था तथा सहकारी (माओवादी)
वीना मगर खानेपानी (माओवादी)
राज्यमन्त्री
पद्माकुमारी अर्याल स्वास्थ्य तथा जनसङ्ख्या (एमाले)
गोकुलप्रसाद बाँस्कोटा सञ्चार तथा सूचना प्रविधि (एमाले)
धनबहादुर बुढा संस्कृति, पर्यटन तथा नागरिक उड्डयन (एमाले)
रामकुमारी चौधरी राज्यमन्त्री कृषि, भूमि व्यवस्था तथा सहकारी (माओवादी)

सम्बन्धित बुखँ

LEAVE YOUR COMMENTS