विश्वकप २०१८

त्रिभुवन विमास्थल विस्तार सन् २०१९ दुने ज्या क्वचायेकेगु लक्ष्यं

येँ – त्रिभुवन विमानस्थल दुने हे विमान दुर्घटना जुइधुंकाः विमानस्थलया धावनमार्ग तब्या यायेत जुयाच्वंगु ढिलाइया नं चर्चा सुरु जूु दु । खुदँ न्ह्यव हे धावनमार्ग तब्या यायेगु व पार्किङ क्षेत्र नं विस्तार यायेगु कथं ज्या न्ह्याकूगु खःसां आःतक थ्व ज्या पूमवंनिगुलिं आलोचना जुयाच्वंगु दु । राष्ट्रिया गौरवया थ्व परियोजना ठेकेदार कम्पनीया लापरवाहीया कारणं लिबागु खँ नागरिक उड्डयन प्राधिकरणं धाःगु दु । प्राधिकरणं आः न्हूगु ठेकेदार कम्पनी पाखें ज्या तीव्र गतिं ज्या न्हयानाच्वंगु खँ धाःगु दु । त्रिभुवन अन्तर्राष्ट्रिय विमानस्थल विस्तार यायेगु ज्याया जिम्मा कयातःगु ठेकेदार कम्पनीं खुदँया दुने २० प्रतिशत जक ज्या याःगु खः । थ्व लिपा प्राधिकरणं स्वला न्हयव स्पेनया सानहोसे कन्स्ट्रक्टोरालिसेया ठेक्का सम्झौता रद्द यानाबिउगु खः ।
आः विमानस्थल विस्तार यायेगु ज्या प्यब्वय् ब्वथलाः बिस्कं बिस्कं कम्पनीयात जिम्मा बियागु खँ नागरिक उड्डयन प्राधिकरणं धाःगु दु ।आः विमानस्थलया दक्षिणया कोटेश्वरपाखेया ३ सय मिटर धावनमार्ग विस्तार यायेगु, टर्मिनल भवन दयेकेगु व मेगु छगू एनसिलरी भवन विस्तारया ज्या चिनियाँ कम्पनीं सुरु यायेधुंकूगु उड्डयन प्राधिकरण महानिर्देशक संजिव गौतमं धयादीगु दु ।

वय्कलं धयादीगु दु, ‘एनसिलरी भवन व टर्मिनल भवनया विस्तार ज्या सुरु जुइधुंकूगु दु । व धावनमार्ग विस्तारया ज्या ठेकेदार कम्पनी छुं ई लिपा हे न्हयाकी व थ्व फुक्कं ज्या २०१९ दुने क्वचायेकेगु कथं ज्या जुयाच्वंगु दु ।’आः थप गुंगू विमान पार्किङ यायेफइ कथं पार्किङस्थल विस्तार यायेगु ज्या धाःसा फ्रान्सया कम्पनी एडिीबीआइ नं अध्यन यानाच्वंगु दु । अध्ययन लिपा जक ठेक्का प्रक्रिया न्हयाकेगु खँ धाःगु दु । थ्व बाहेक प्राधिकरणं थःगु आन्तरिक स्रोतपाखें हे थप प्यंगः विमान तयेफइगु पार्किङस्थल दयेकेगु ज्या सुरु जूगु खँ महानिर्देशक गौतमं धयादीगु दु । राष्ट्रिय गौरवया परियोजना अन्तर्गत दुगु थ् व विमानस्थल विस्तारया ज्या एसियाली विकास बैंकया खुगू अर्ब त्यासा ग्वाहालिं सन् २०१२ सालं निसें सुरु याःगु खः ।
विमानस्थलया धावनमार्ग चिब्या जूगु, पार्किङ अभावया कारणं नं विमान दुर्घटना जुइगु खँ धया वयाच्वंगु दु । तर प्राधिकरण महानिर्देशक गौतमं धयादी, ‘एयरपोर्टया पूर्वाधारया कारणं दुर्घटना जूगु धाःसा मखु । दुर्घटनाया कारणं मेमेगु नं जुइफु । व छानविन आयोगया प्रतिवेदनं क्यनी । तर तग्वःगु जहाजतय् हकय् झीगु विमानस्थल चिधंजूग वा धावनमार्ग चिब्या जूगु कारणं आःतक दुर्घटना जूगु अवस्था धाःसा मदुनि ।’

सम्बन्धित बुखँ

LEAVE YOUR COMMENTS