नेपालभाषा ब्वंकेत आलटाल

येँ – थनया आरआर क्याम्पसय् अझ नं नेपालभाषा विषय ब्वंकेगु खँय् क्याम्पस प्रशासनं आलटाल यानाच्वंगु खँय् विद्यार्थीत तम्वःगु दु । ब्वनीपिं विद्यार्थी हे मदु धकाः थुगुसी तिनि लिकया छ्वःगु नेपालभाषा विषय हानं ब्वंकेगु खःसा म्होतिं नं १० म्ह विद्यार्थी माः धकाः क्याम्पस प्रशासनं धाःगु खः । आः नेपालभाषा ब्वनेत १५ म्ह विद्यार्थी तयार जुयाः वःबलय् धाःसा क्याम्पस प्रमुख डा. निर्मला सुवालं शिक्षकया दरबन्दी मदु धकाः ब्वंके मफइगु खँ धयाच्वंगु दु ।

विद्यार्थीतय्सं धाः कथं नेपालभाषा ब्वंकेत म्होतिं नं १० म्ह विद्यार्थी माः धाःसां थ्वहे क्याम्पसय् इतिहास विषय छम्ह विद्यार्थी व बीएसडब्लु विषय स्वम्ह जक विद्यार्थी दुसां शिक्षक तयाः ब्वंकाच्वंगु दु । नेपालभाषा ब्वंकेत आदिवासी जनजाति विद्यार्थी महासंघपाखें नं डेलिगेशन वनाः क्याम्पस प्रशासनयात इनाप यायेधुंकूगु दु ।

सम्बन्धित बुखँ

LEAVE YOUR COMMENTS