कामु प्रधानन्यायाधीश दिपक जोशीपाखें पदभार ग्रहण

येँ – सर्वोच्च अदालतया वरिष्ठ न्यायाधीश दीपकराज जोशीयात कायममुकायम प्रधानन्यायाधीश तोके याःगु दु । वय्कलं थौं हे कामु प्रधानन्यायाधीशया रुपय् पदभाग ग्रहण यानादीगु दु । वय्कलं पदबहाली लिपा इजलास तोके यानाः ज्या नं न्ह्याकादीगु दु ।

न्यायपरिषदं प्रधानन्यायाधीश गोपाल पराजुलीयात म्हिगः पदमुक्त याःगु खः । उमेर हदबन्दी कथं वंगु २०७४ साउन २१ गते हे ६५ वर्ष थ्यंगु धासें म्हिगः पराजुलीयात पदमुक्त याःगु खः ।

न्यायापरिषदया सचिवस्तरीय निर्णय पाखें पदमुक्त यायेवं पराजुलीं थ्व अवैधानिक धासें थःम्हं माने मयायेगु खँ धयादीगु खः । वय्कलं थौं नं सर्वोच्च वनाः ज्या यायेगु धाःगु खःसां जोशीयात कामु बिइवं वय्कः धाःसा सर्वोच्च मझाल ।

थ्वयां न्ह्यव पराजुली थौं सुथय् राष्ट्रपति विद्यादेवी भण्डारीयात नापलानादीगु खः । राष्ट्रपतिलिसे बाघौ खँल्हाबल्हा यानादीसां छु खँ जुल धयागु धाःसा जानकारी मवःनि ।

सम्बन्धित बुखँ

LEAVE YOUR COMMENTS