मखुगु रुट‌ वःगुलि‌ दुर्घटना अस्पताल हःपि‌ न्ह्यम्ह सित

येँ – त्रिभुवन अन्तर्राष्ट्रिय विमानस्थलय् दुर्घटना जूगु विमान मखुगु रुटं दुहां वःगुलिं दुर्घटना जूगु अनुमान याःगु दु । विमानस्थलया प्रवक्ता प्रेमनाथ ठाकुरं युएस बंगलाया विमान मखुगु रुटं अवतरण याःवःगु खँ धयादीगु दु । वय्कलं विमान छाय् मखुगु रुटं वल धयागु सीमदु धासें थुकिया बारे अनुसन्धान जुइगु खँ धयादीगु दु ।

मेखे दुर्घटनाय् लानाः अस्पताल अस्पताल हःपिं यात्रु मध्ये न्हय्म्ह अस्पतालय् हे सीधुंकूगु खँ धाःगु दु । काठमाडौं मेडिकल कलेज सिनामंगलय् हःपिं न्हय्म्ह यात्रुत सीधुंकूगु खँ धाःगु दु । काठमाडौं मेडिकल कलेजय् जक १७ म्ह यात्रुत हःगु खः ।

अस्पताल हःपिं यात्रुत बांमलाक च्यानाच्वंगु खँ धाःगु दु । मेपिं यात्रुतय्त नर्भिक अस्पताल, सिभिल अस्पतालय् यंकूगु दु ।
विमान दुर्घटना जूगु सीवं गृहमन्त्री रामबहादुर थापा विमानस्थलय् झाःगु दुसा नेपाःया निंतिं बंगलादेशी राजदूत नं विमानस्थल थ्यंकःझाःगु दु । दुर्घटना जूगु विमान बंगलादेशया खः ।