विश्वकप २०१८

नेवाःया पहिचान ल्यंकेत नेपाः पार्टी मानि

येँ- नेपाः राष्ट्रिय पार्टीया झिक्वःगु स्थापना दिवस छगू विशेष ज्याझ्वः यासें हन । वंगु शुक्रवाः जूगु ज्याझ्वलय् मूपाहांकथं वाङ्मय शताब्दी पुरुष सत्यमोहन जोशी झायादीगु खः ।

ज्याझ्वलय् मूपाहांया थासं नवासें वय्कलं थौंया इलय् नेपाः पार्टी छुं भचा कमजोर जूसां कन्हय् हाकनं थ्व पार्टीयात अवसर वइतिनि धासें नेता व कार्यकर्तात आः हे हतास मजुइत इनाप यानादिल ।

जनकवि दुर्गालाल श्रेष्ठं राजनीतिक रुपं नेवाःया पहिचान ल्यंका तयेगु खःसा नेपाः पार्टीया आवश्यकता दनि धयादिल ।
ज्याझ्वलय् भिंतुना न्वचु बीगु झ्वलय् संघीय लोकतान्त्रिक राष्ट्रिय मञ्च (लिम्बुवान)या नेता कुमार लिङदेन मिराकं क्वचाःगु चुनावय् सकलें आदिवासी जनजाति पार्टीतय्सं नेपाः पार्टीया चुनाव चिं खड्ग कयाः चुनाव ल्वायेगु तयारी यानागु खँ कनादिसें यदि अथे हे याये फुगु खःसा थौं पहिचानवादीतय्सं १०–१२ सिट त्याके फइगु खः धयादिल ।

अथे हे खम्बुवान राष्ट्रिय मोर्चाया सांसद आर.के. खम्बुं पहिचानसहितया अधिकार कायेगु खःसा अझ नं संघर्ष यायेमानि धासें आः शान्तिपूर्ण संघर्ष यायेमाःगु खँय् बः बियादिल । खसान संघर्ष समितिया प्रेमबहादुर खातीं नेवाःत धइपिं नेपाःया नुगः खः, नुगः हे मसन धाःसा मेमेगु अंग संसां छुं जुइमखु धयादिल ।

ज्याझ्वलय् बुद्धिजीवि डा. शंकर राजभण्डारीं आः अधिकार कायेगु खःसा आदिवासी जनजाति अलग अलग जुयाः मखु, सकलें छगू हे थासय् च्वनाः न्ह्याः वनेमाः धयादिल । सभापतिया थासं नेपाः पार्टीया अध्यक्ष डा. विजयप्रकाश सैंजूं नेपाः पार्टीया स्थापनाकालनिसें आतकया थीथी पक्षयात कयाः जानकारी बियादीगु खः ।

सम्बन्धित बुखँ

LEAVE YOUR COMMENTS