द्वःछिम्ह शिक्षकया जागिर अन्योलय्

येँ – देशय् संघीयता लागू जुयाः कार्यान्वयनय् वयेवं आपालं खँय् अन्यौलता ब्वलनाच्वंगु दु । मन्त्रालयनिसें कयाः विभाग व कर्मचारीतकं समायोजन यायेगु ज्याय् अन्योलता खने दयाच्वंगु दु । थ्व झ्वलय् थुकिया दकलय् अप्वः प्रभाव शिक्षा ख्यलय् लानाच्वंगु दु । न्हूगु संविधानकथं माध्यमिक तह तकया शिक्षाया संचालन स्थानीय तहपाखें याये दइगु जुइवं उकिया प्रभाव शिक्षा ख्यलय् लाःगु खः। थ्व हे झ्वलय् करिब द्वःछि शिक्षकया जागिर नं अन्योलय् लाःगु दु । संघीयता लागूलिसें विद्यालय स्रोत केन्द्रत स्वतः निष्क्रिय जुइवं व्यक्तिगत रुपं ज्या याना वयाच्वंपिं द्वःछिम्ह शिक्षकया जागिर अन्योलय् लाःगु खः । न्हूगु संविधानकथं विद्यालय शिक्षा स्थानीय तहया मातहतय् वनेवं विगतय् जिल्ला शिक्षा कार्यालय मातहतय् दुगु संयन्त्रया रुपय् कयातःगु स्रोत केन्द्र आः निष्क्रिय जूवंगु खः । अथे हे आः वइगु चैततकया दुने जिल्ला शिक्षा ज्याकू तकं खारेज जूवनाच्वंगु दु । संघीय मामिला तथा स्थानीय विकास मन्त्रालयं शिक्षा मन्त्रालययात पौ छ्वयाः काज लित कायेत इनाप यायेवं स्रोत व्यक्ति आन्दोलनय् कुहां वःगु दु ।

सम्बन्धित बुखँ

LEAVE YOUR COMMENTS