ने. सं. ११४४ चौलागा पारू -

नक्वाःया जात्रा विधिकथं संचालनया माग

येँ – नुवाकोटया लोकंह्वाःगु सिन्हः जात्रा विधिकथं संचालन यायेत माग याःगु दु । नुवाकोट सरकोरकार समाजं प्रदेश नं. ३या मुख्यमन्त्री डोरमणि पौडेलयात नाप लानाः जिल्लाया लोकंह्वाःगु जात्रायात परम्परागत विधिकथं संचालन याकेत माग याःगु खः ।दँय्दसँ चैत शुक्ल पुन्हिकुन्हु नुवाकोटया भैरवी व देवीघाटया जालपा द्यःयाथाय् लगे जुइगु सिन्हः जात्राय् भैरवीया द्यःखःयात देवीघाटय् च्वंगु जालपा द्यःयाथाय् यंकेगु व अनं निन्हु लिपा हाकनं भैरवी देगलय् तुं लित यंकाः जात्रा यायेमाःगु परम्परा दु । जात्राया खः लच्याङवासीतय्सं कुबीमाःगु प्रचलन दु ।