विश्वकप २०१८

मानकृष्ण वावायात ग्वाहालि लःल्हात

येँ – उसाँय् मदयाः आर्थिक समस्याय् लानाच्वंम्ह नेपालभाषाया हास्यश्रृङ्खला ‘ख्वताबजि’या लोकंह्वाःम्ह कलाकार मानकृष्ण वावायात थौं ग्वाहालि कथं १ लाख २२ हजार व न्यासः तका लःल्हाःगु दु ।

नेपाः बैंक्वेटय् छगू ज्याझ्वःया दथुइ मानकृष्ण वावा ग्वाहालि पुचःया कजि सुरेन्द्र तुलाधरं ग्वाहालि दां लःल्हानादीगु खः । ज्याझ्वलय् वय्कःयात ग्वाहालि यानादीपिनि नां न्यंकुसें नांधलः नं लःल्हानादीगु खः ।

नांजाःम्ह हास्यकलाकार गणेश साय्मिं भाजु वावायात खादा क्वखायेकाः न्ह्याःगु ज्याझ्वलय् ग्वाहालि यानादीपिनि सहभागिता दुगु खः ।
संयोजक तुलाधरं सुं नं कलाकारपिंत थथे समस्या जुइबलय् आर्थिक ग्वाहालि यायेगु निंतिं वैशाख २२ गते गायिका दिपा महर्जन म्युजिकल इभिनिंग याये त्यनागु जानकारी बियादीगु खः ।

याक एण्ड यति होटलय् जुइगु थ्व ज्याझ्वलं वःगु ध्यबा नेवाः कलाकार स्वास्थ्य कोषया पलिस्था यायेगु खँ न्ह्यथँसें उगु कोषय् सुखावति मल्टी प्रोडक्सन पाखें थप १ लख तका दां तयेगु जानकारी नं बियादीगु खः । उगु कोषया उलेज्या ख्यालिजुजु मदनकृष्ण श्रेष्ठ व हरिवंश आचार्यया ल्हातं उलेज्या जुइगु जानकारी नं बिउगु खः ।

सम्बन्धित बुखँ

LEAVE YOUR COMMENTS