सु सु जुइ प्रदेश ३ या मन्त्री ?

येँ– प्रदेश नं. ३ या मुख्यमन्त्री डोरमणि पौडेलं थौं मन्त्रिमण्डल विस्तार यायेत्यंगु दु । प्रदेश ३ य् थौं प्यम्ह मन्त्री थप यासें न्हय्म्ह दुजः दइगु मन्त्रिमण्डल पूर्णता बीत्यंगु खः । आः एमाले पाखें स्वम्ह व माओवादीपाखें छम्ह मन्त्री थप यायेत्यंगु खः । एमालेपाखें पोलिटव्यूरो दुजः अरुण नेपाल, रामेछापया कैलाश ढुंगेल व चितवनया दावा दोर्जे लामायात मन्त्री दयेकेत्यंगु दुसा माओवादीपाखें युवराज दुलाल, राजकाजी महर्जन व कुमारी मोक्तानया नां न्ह्यःने वयाच्वंगु दु ।

माओवादीं थुपिं स्वम्ह मध्ये छम्हेसित मन्त्री दयेकी धाःसा युवराज दुलाल हे मन्त्री जुइगु सम्भावना अप्वः दु धाःगु दु । दुलाल माओवादी अध्यक्ष प्रचण्डया पुलांम्ह बडिगार्ड खः । प्रचण्डं दुलालयात हे मन्त्री दयेकेत निर्देशन बीधुंकूगु खँ धाःगु दु । तर मेपिंसं धाःसा समावेशीया आधारय् कुमारी मोक्तानयात मन्त्री दयेकेमाः धयाच्वंगु दु ।

न्हूगु मन्त्री मण्डलय् उद्योग, पर्यटन, वन व वातावरण मन्त्री अरुण नेपाल, अर्थ व योजना मन्त्री केशव ढुंगेल व दावा दोर्जे लामा कृषि तथा सहकारी मन्त्री जुइगु खँ दुसा माओवादी पाखें वइम्ह मन्त्री सामाजिक मामिला मन्त्री जुइ । थौं मन्त्रिमण्डल विस्तार यानाः ५ बजे हे शपथ ग्रहण याकेगु ज्याझ्वः तयातःगु दु ।

प्रदेश ३ य् एमालेपाखें केशव स्थापित भौतिक निर्माण मन्त्री व माओवादीपाखें शालिकराम जमकट्टेल आन्तरिक मामिला मन्त्री जुइधुंकूगु दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन